DDoS-imik saassussineq Distributed Denial of Service-imit naalisagaavoq, isumaqarluni ”Nittartagarput ajorpoq”. Ta¨mannalu saassunneqarnermit imaluunniit artorsinneqarneratigut pisarpoq. Inuup ataatsip qarasaasiarpassuarnik ataatsikkut aqutsilerneratigut, ataatsikkorsuaq internetikkut sumiiffik ataaseq saassutsittarpaat. Taamaaliornerup kingunerisarpaa inuit allat nittartagaq iserfigisinnaajunnarnerannik. DDoS-imi nittartakkat, mailinut servereqarfiit, illersuutit (firewallsit) routerillu ajutoortittarpai.
Sullitavit nittartakkat iserfigisinnaajunnaarsimappagu, DDoSimit saassunneqarsimassaatit.
DDoS qanoq ingalassimatissinnaaviuk?
DDoS-imit saassunneqarnerup pinngitsoortinnissaa avaqqukkuminaassinnaavoq, avataaniit saassussinerummat.
Saassunneqaratarnermi nittartakkavit saqqaanut sullitannut takusassanngorlugu ikkussinnaasannik piareersaasinnaavutit, ajutoortoqassagaluarpat sullitavit qanoq ilillutik attavigisinnaaneraatsit paasissutissiissutigalugu.
Systeminnik artorsatinneqalissagaluaruit internetimut atassusiisartut kiffartuussutineq sunik neqerooruteqarsinnaanersut tusarniaaffigisinnaavatit.
IT-mik sillimanissamut kiffartuussisartumut, internetikkut annertuumik attaveqartaruit, qanoq sillimartaartoqarsinnaaneranut iluarsiissummik pisisinnaavutittaaq.