Saaffiginnittariaasaat
Salluliorluni saaffiginnittariaatsit assigiinngitsuusinnaasarput. Ilaat pisiortortarfimmeersuusaarsinnaapput, akiligassaqarfimmeertuusaarsinnaallutilluunniit. Oqarasuaatikkut, allakkatigut emailikkulluunniit saaffigineqarsinnaavutit. Pinerliiniat akiligassat pillugit kontonummumik qinnuteqarsinnaapput, allaat immaqa piniartarfigisanniit.
Sulisutut iliuusissatit
Suliffeqarfimmi angisuumi mikisumiluunniit atorfeqaruit, namminersortuuguit, peqatigiiffissinniluunniit aningaaserisuuguit ima iliorsinnaavutit:
- Noqqaassutigineqartut ilumut akiligassaqarfimmeersuunersut qulakkiikkit. Pingaartumik aningaaserivimmut paasissutissanik akiligassanut tunngasunik piumappata.
- Attaveqarnissamut paasissutissat allanngueqqusinermut allagarsianniittut atornagit. Siornatigut attaveqarnermut paasissutissat atortarsimasatit atukkit.
- Akilersinnaasanut naliliussaq qaangerlugu akiliiniarnermi periusissianik qulakkeerinnissutaasussanik isumaqatigiissusiorit. (Assersuutigalugu suliffeqarfinnik ataatsimeeqateqarninni).
- Akiligassaq akilerneqareerpat, akiliiffigisat e-mailikkut nalunaarfigiuk akiliisimaninnik. Aningaaserivik akiliiffigisimasavit aqqa, kontollu ikisiffigisavit kisitsisitai sisamat sillimalluarneruniarlutit nalunaarutigikkit. Suliffeqarfiit aningaasanik nuussiffigikulasatit ilisarnaasersukkit.
- Inuit attaveqatigiittarfiisigut suliffiit pillugu paasissutissanik avitsisarnerit killilersimaaruk.