IT-mik isumannaallisaanermut siunnersuutit arfineq marluk
Suliffeqarfinnut mikinerusunut IT-mut tunngaviusumik ilisimasassatut sakkussatullu siunnersuutaapput. Siunnersuutit suliffeqarfinnut ulluinnarni immikkut IT-lerisoqanngitsunut, nammineerlunilu ulluinnarni qarasaasiatigut isumannaallisaasariaqartunut saaffiginnipput, suliffeqarfimmik piginnittuugaanni allaffissornikkulluunniit suliaqartuugaanni.
Suliffeqarfinni iliuusissat
Sulisutut qarasaasiatigut emailinik ilumuunngitsunik, pisortaasuusaarnikkut akiligassanilluunniit salloqittaatinik tigusaqarsinnaavutit. Taamaattumik suliffeqarfiup paasissutissaataasa (data) suleriusaasalu (System) illersortigaatsit pingaarutilik. Uani digitalitigut sillimaffissat ilitsersuutit sakkussallu takusinnaavatit, angerlarsimaffinniit imaluunniit suliffeqarfinniit suliguit.
Aqutsisoq
Qarasaasiatigut sillimmartaarluarnissaq aqutsisunit aallaaveqarpoq. Suliffeqarfimmi mikisumi anginerumaamiluunnit aqutsisumut sakkussat pitsaasut qaraasiatigullu saassunneqarnermi minnerpaamik eqqugaanissamut illersuutaasinnaasut.
IT-mi sillimaniarnermut akisussaasoq
Suliffeqarfiup IT-lerisuatut IT-milu akisussaasutut suliffeqarfimmi suliassaqarfitit arlaqarsinnaapput. Ugguuna suliffeqarfiup suleriusiisa paasissutissaataasalu qulakkeerneqarnissaannut sakkussatit, suleqatinnut aqutsisunnullu qanoq saqqummiussinnaanerlugit paasisaqarfigisinnaavat.
Suliffeqarfiutinnut navianartorsiortitsisut suuppat?
- Virus aamma malware
- Ransomware
- Phishing
- Pisortaasaarneq (CEO-Fraud)
- DDos-ikkut saassussineq
- Akiligassat salloqittaatit
- Qarasaasiap isertugaataanik paasiniaaneq
Suliffeqarfiup nittartakkatigut attaveqatigiittarfii isumannaatsut
Suliffeqarfippassuit qanorluunniit annertutigisut nittartakkatigut attaveqatigiittarfii allanit tiguarneqarsinnaasarput. Nittartakkatigut attaveqatigiittarfiisa tiguarneqannginnissaannut siunnersuutitsialannik pissarsigit.