Suliffeqarfiit inunnut attaveqatigiittarfiini sillimaniarpa?
Suliniaqatigiiffiit suliffeqarfiillu inuit attaveqatigiittarfiinik ingerlatsisut eqqumaffigisariaqarpaat, inunnut attaveqatigiittarfiit tiguarneqarsinnaammata (Hacket). Aammali suliffeqarfimmi sulisup suliffeqarfiup pingaartitai uniorlugit tamanut saqqummiussisinnaavoq. Ataani suliffeqarfittut inuit attaveqatigiittarfiini sillimanissaq pillugu siunnersuutinik atuarsinnaavutit.
Inuit attaveqatigiittarfii atorneqarnissamittut atorneqarnissaat qulakkeerniarlugu eqqumaffissat marluupput: Isersinnaasut imarisaalu. Kina suliffeqarfiup inuit attaveqatigiittarfiinut isersinnaatitaassava? Sulisoq suliunnaarpat, allamilluunniit suliaqalerpat, kiap inuit attaveqatigiittarfiinut isersinnaajunnaartitsinissaq qulakkiissavaa? Apeqqutit taama ittut akisinnaasariaqarpatit suliffeqarfippit inunnut attaveqaatai naapertuulluartumik ingerlatissagukkit.
Marloqiusamik isertaateqarnermik atuineq
Marloqiusamik akuerseqqaarluni isertaateqarsinnaaneq tamanut atuutsinniarneqartariaqarpoq. Facebookimi, Googlemi, Instagrammimi LinkedInimilu marloqiusamik akuerseqqaarluni isersinnaneq qanoq atulersinneqarsinnaanersoq paasisaqarfigisinnaavat. Tamakkua saniatigut sulisoq taamaatippat allanilluunniit suliaqalerpat, atuisuuffiata piiarneqarnisssanut periusissiaqarnissaq pingaaruteqarpoq.
Isissutissat eqqoriaruminaatsut atukkit allanullu paasitinnagit
Inunnut attaveqatigiittarfiit hackerinit iserfigiumaneqartaqaat. Taamaaliorlutik suliffeqarfik aningaasannarniarfigisinnaasarpaat, nittarsaannerlullugu imaluunniit naleqqutinngitsumik sillimaniarneqarnerat nittarsaassutigisarpaat. Taamaattumik isertaatit paasineqajuitsuunissaat, eqqaamajuminaatsuunissaat takisuujunissaallu pingaaruteqarpoq, allanullu oqaatiginagit.
Nutaanik atortutaarsimanermi iseqqaannermut nalunaaruteqartartut ikumatikkit
Suliffeqarfimmi isertaatinut nakkutiginnittoqartariaqarpoq inuit attaveqatigiittarfiinut isersinnaasunik nalunaarsuisartumik, nakkutiginnittumik killilersuisumillu. Taamaattumik atortunut nutaanut isertoqarsimatillugu nalunaartarnerit nammineq isummaminnik ingerlasunngortinneqartariaqarput. Aamma kontonik atorunnaarsitsisinnaasariaqarpoq piiaasinnaallunilu. Taamaaliortoqanngippat kontokoq atornerlunneqarsinnaammat. Taamaattumik isertaatinik nulstiliiniartarnisi nalunaarsorneqartariaqarput.
Sulisoq immikkut kontoleruk
Isertaat ataaseq sulisunut arlalinnit isertaatigitinnagu, sulisut tamaasa immikkut isertaatilersorneqartariaqarput. Taamaalilluni sulisut tamarmik immikkut kontotik aqussinnaallugillu saqqummiussiffigisinnaassammatigit. Kontot eqqorneqarsinnaasut amerlissagaluartit orniginarneruvoq.
Isertaatit allanngortinneqartarnerat eqqumaffigiuk
Konto ataaseq suleqatigiinnut arlalinnut iserfigineqarsinnaasunngortikkaangaanni, ajutoortoqarsinnaanerata qanillisarsinnaanera ilisimaarisariaqarpoq.
Taamaattumillu sulisumik taamaatittoqartillugu isertaatip allanngortinneqarnissaa pisariaqarpoq. Isertaatip nutaap sulisunut siaruartinneqarnera mailikkut chat-ikkulluunniit siaruarterneqannginnissaa innersuutiginarpoq.
Suliffeqarfiup paasissutissaatai mianernartut paarisigit
Inuit attaveqatigiittarfii aqqutigalugit paasissutissat suliffeqarfimmi pigiinnarneqartussat kukkuluttornikkut kikkunnut tamanut takusassiarisoorneqarsinnaapput. Taamaattumik suliffeqarfittut ersarissunik malitassaqarariaqarpusi suut siammarterneqassannginnersut. Sulisullu eqqarsaatigisariaqarpaa allassimasut assit aalasuliallu sunik imaqarnersut. Tassunga ilanngullugu assip tunuliaqutaani suut takuneqarsinnaanersut eqqumaffigisariaqarput. Suliffeqarfiit inuit attaveqatigiittarfiisigut suliffimmeersunik nittarsaateqqusaanngitsunik isumaqatigiissuteqarsinnaapput. Taakkua ilagisinnaavaat suliffeqarfimmi pissutsinut tunngasut:-
- Pappilissat nerriviit qaaniittut paasissutissanik mianersuutassanik imallit
- Sulisut isertaataasa assingi
- Atortorissaarutit sillimaniarnermut tunngassutillit