Qarasaasiat isertugaataannik paasiniaasartut siunertarisarpaat suliffeqarfinni suleriutsit isertuussaasut imaluunniit misissuinerni paasissutissat, paasissutissalluunniit allat suliffeqarfiinit kalaallinit pigineqartunut paasissutissaataat mianersuutassat iserfiginiarnissaat.
Qarasaasiat isertugaataannik qaammaterpassuarni misissuisoqareersimatillugu pinerliineq aatsaat paasineqakkajuppoq.
Qanoq qarasaasiap isertugaataanut pulaniartoqartarpa?
Qarasaasiap isertugaatai unioqqutitsilluni qarasaasianut pulasartut (hacker) qarasaasiaq sianigineqannginnerani paasissutissanik aallertartussamik ikkussiffigisarpaat. Taamaalilluni paasissutissat suliffeqarfimmut nalituut tigooqqarneqarsinnaalertarput. Ilaatigullu sulisut isissutissanik tunniussinermikkut paasissutissat mianersuutassanik tunniussuineratigut tamanna pisinnaasarluni.
Qanoq eqqugaanaveersaassavit?
Qarasaasiappit paasissutissaatai illersorniarlugit iliuusissat sisamat:
- IT-mut sillimaniarnermut virusinullu illersuummik pisigit
- Paasissutissat datallu pingaartitatit sillimmartaakkit. Eqqarsaatigiuk internetimut attavilinnut toqqorterusunnerlugit.
- Iseqqusaanngitsut iserniarnerinut nalunaarsuummik pisisariaqarnerlutit eqqarsaatersuutiguk. Marloqiusamik akuersissutit, atuinermut nalunaarsuutit imaluunniit paasissutissanik aallertoqarsimaneranut nalunaarsuutaasinnaapput. Aaqqiissutit taama ittut IT-mik tunisassiortup neqeroorutigisinnaasarpai.
- Sulisut digitalimik suliaqarnermi pissusissaat pillugit ilinniartikkit, paasissutissat mianersuutassanik tunniussisuunnginnissaat anguniarlugu. Sulisut IT-p iluani qanoq mianersorfissaqarsinnaaneri pillugit atuarit.
Naalakkersuisut nittartagaatigut qarasaasiatigut siorasaarisarnerit pillugit atuarit: https://naalakkersuisut.gl/-/media/filer/formandens-departement/digi/cybertruslen-mod-grnland-dk.pdf