Pisortaasaarluni pinerlunneq sunaana?
CEO-fraud,pisortaasaarluni pinerlunneq imaluunniit BEC (Business Email Compromise), tassaapput pisortaasaarluni allannerit SMS-ernerilluunniit. Allagarsiat ilumuunngitsut mailkontomit allamit allanneqarsimasarput pisortaasup atia atorlugu. Ilaannikkut pisortap emailia iserfigisimariarlugu allagarsianik nassiussuisoqartarpoq.
IT aqqutigalugu pinerliiniartartut sulisut salloqittarlugit akiligassanik ilumuunngitsunik akileeqqusisarput imaluunniit aningaasanik aaliangersimasunik kontomut allamut nuusseqqusillutik. Amerlasuutigullu suliassaq erngertumik suliassaarnerartarpaat.
Amerlasuutigut pinerliiniat suliffeqarfik pillugu paasissutissanik atuarluarsimasuusarput, sulisorlu pilllugu paasiniaaqqissaarsimasarlutik, allakkiamik ilumooorpasinnerunissaa iluatsinnissaalu anguniarlugu.
Pisortaasaarlutik pinerlunnerit ima ingalassimatissinnaavatit:
Nassiussisut mailadressia misissoruk
Nassiussisup mailia tamatigut eqqortuunersoq misissortuartaruk. Nassiussisoq pisortaralugu qulakkeeruk. Eqqaamajulli pisortavit mailkontoa pinerliinianit tiguarneqarsinnaammat.
Pisortat sianerfigiuk
Pisortat sianerlutit qulakkeeruk ilumut aningaasanik nuusseqqusineraatit imaluunniit suliakkiummik tunisimaneraatit qulakkeerniarlugu.
Nunanit avataaneersunit nuussinerit eqqumaffigikkit
Nunanut allanut aningaasanik nuusseqqusaanerlutit eqqumaffigiuk. IT aqqutigalugu pinerliaaniat aningaaseriviit nunanit allaneersut paasiuminaannerussagamik atukkajuppaat.
Allagarsiat ukiup qanoq ilinerani tigunerlugu eqqumaffigiuk
Phishing-mailsit soorlu juullilernerani suliffeqarfiup sulisuminut tunniussiortornerata nalaani takussaasarput, imaluunniit ukiumoortumik julefrokostinut qaaqqusissutitut isikkoqartinneqartarlutik. Tamakkua saniatigut sulisunut immikkoortortaqarfiit phishing mailsinik suliffimmut inuttassarsiukkanut qinnuteqartuusaarutinik nassiunneqartunik nalaataqakkajupput.
Sulinngiffeqarnerup nalaani pisortamiit allagarsiaasuusaartitat eqqumaffigikkit
IT aqqutigalugu pinerliiniartartut sulinngiffeqarnerni, sulisullu allaffimmiinngiffiini pinerliiniarnerusarput. Taamaattumik sulinngiffeqarnerup nalaani pisortannit aqqutisunnilluunniit aningaasanik nuusseqqusissummik allagarsiguit mianerikkit.
Phishing-mailsit nalunaarutiginissai ajornaallisakkit
Suliffeqarfippit sulisup allagarsiat link-imut toorseqqusinernik imallit ajornaquteqanngitsumik nalunaarutigineqartarnissaat isumagissavaa. Sulisut nalunaarusioraangamik kukkusinnaanertik ajoqutaanngitsoq ilisimassavaat. Kukkusumik nalunaarutiginnittoorsimagunik nalunaarsorneqassapput, saassusseriarsimanerit allattugaatigineqarniassammata.