Oqarasuaatikkut paasissutissat ilinnut tunngasut tunniunnissai sianertup piumasarisarpaa - soorlu bankimi kontovit normua, inuup normua, isissutivit allaqqanera assigisaalu. Patsisigineqarsinnaavoq ikiorniarneqarnerit, soorlu kontonniit aningaasanik nuussisoqarniarneralugu peqquserlunniat unitsinniarneqartut. Qulartarit, saaffiginnittup piumaffigippatit aningaasanik nuussissasutit.
Pisortaqarfinni oqartussaqarfinni bankimiilluunniit piumaffigineqarnavianngilatit aningaasanik nuussinissarnik, imaluunniit paasissutissat ilinnut tunngasut oqarasuaatikkut piumaneqarnavianngillat. Nalorniguit iliinnaruk, sianerfissarlu sianerfigalugu bankerisanni imaluunniit oqartussaqarfiit arlaannut.
3. Saaffiginnittoq tuavisaariva imaluunniit kingunerluttoqarsinnaaneranik ilisimatitsiva?
Peqquserlunniat oqaluttuaaqqamik sanasinnaasarput eqqarsarluaqqaarnani erngertumillu iliuuseqartoqarnissaa anguniarlugu, imaluunniit misissuisoqannginnissaa anguniarlugu. Oqaluttuaq imaassinnaavoq bankimiit sianertoqartoq takusinnaallugu hackertinnermik eqqugaasimasutit, peqquserlunniallu illit kontonniit nuussilernerarlugit. Saaffiginnittup maannakkorpiaq ikiorusuppaatit paasissutissat ilinnut tunngasut pissarsiarigunigit.
Peqquserlunniat pikkoriffigaat uppertissallutit, taamaammat oqaluttuaq uppernassuseqartissinnaallugu. Imminnut ulapisinnaveersaarit: Iliguk, imaluunniit saaffiginnittoq kingusinnerusukkut sianeqquguk. Taamaaliornikkut eqqissillutit eqqarsaatigisinnaassavat ilumut oqaluttuaq ilumoornersoq. Suliffeqarfik oqartussaqarfiulluunniit oqarasuaataanut toqqaannartumut sianerit, paasiniarlugulu saaffiginnissut ilumoortuunersoq.
Oqarasuaammi sianertup normua upperinngisaannaruk
Sianernerit ilumuunngitsut arlalitsigut isertortumiit imaluunniit nunanit allaniit normuminngaanneersuusarput. Eqqumaffigiulli: Peqquserlunniat normutik allanngortissinnaammatikkit, sianerfimminniit. Taamaasillutik peqquserlunniat normutik soorlu bankip imaluunniit politiit normui, imaluunniit nunanit allanit normut kalaallit normuisut qallunaat normuisulluunniit ersersitsissinnaanngortarpaat. Peqquserlunniat sianerneri ilumuunngitsuniit “spoofing”-imik taaneqartarput.
Taamaattumik naammanngilaq googlekkut oqarasuaatip normua misissussallugu, nalorniguit peqquserlunniaanersoq. Oqartussat suliffeqarfilluunniit toqqaannartumik oqarasuaataannut paasiniaagit, saaffiginnissutigineqartorlu paasiniarlugu.