-
Inummut paasissutissat pisariaqarput
Nassiussisup piumasarippagu illit inuttut paasissutissaativit nassiunnissai, taava qularisariaqarpat. Illit paasissutissaatitit nassiutinngisaannakkit, soorlu bankimi kontovit normua, inuup normua imaluunniit isissutigisartakkat nalunaarutikkut nassiutinngisaannaruk. -
Oqaatsit allatallu kukkunillit
Saaffiginnissutit ilumuunngitsut allannerini kukkuneqarsinnaapput eqqumiitsumillu oqaaseqatigiiliortoqarsinnaalluni. Maluginiarluarukkit naammattoorsinnaavatit nalunaarutit ilumuunngitsut nutsernerlutaasut imaluunniit oqaatsinik atuineri kukkuneqartut, pisiniarfiit ingerlalluartut suliffeqarfiilluunniit pisortaqarfiilluunniit oqartussaqarfiit suliariunnanngisai. Imaassinnaavoq allaaserisaq allamiusuumit toqqaannarlugu nutserneqarsimasoq, maskinamit nutsertitaq. Pernerlunniat kalaaliusariaqanngillat, allataq kalaallisut allaqqangaluartoq. -
Pasinartoq imaluunniit linkit toqqaannartut
Linkit nalunaarutini ulorianaateqanngillat toqqaannartumik, kisianni sillimaffigisariaqarpatit linkip tuunnginnerani. Imaassiinnaammat linki allannerani kukkuneqartoq imaluunniit linki takisoorujummik eqqumiitsumillu allanneqartoq, atia nassiussisorlu assigiinngitsut. Linkit ilumuunngitsut nittartakkamut ingerlateqqissinnaavaatsit, nalinginnaasumillu virusimik ikkussillutik, imaluunniit software nakkutilliisartumik ikkussillutik linki toorukku ingerlaannaq.
Pisortaqarfinniit oqartussaasuniit nalunaarutit, soorli Digitalinngortitsinermut Aqutsisoqarfimmiit, nalinginnaasumik ingerlaannaq isissutissannik nassinnavianngilaatsit, kisiannili nittartakkap saqqaanut soorlu digitalimik.gl imaluunniit sullissivik.gl-mut aatsaat.
Nassiussisoq apeqquseqqagukku imaluunniit linki apeqquseqqagukku, nammineerlutit nassiussisup nittartagaanut isersinnaavutit taamaasillutit linki nittartakkamut ilumuunngitsumut toorsinissat pisariaqassanngilaq. -
Erngertumik iliuuseqaqqusaavit?
Peqquserlunniat oqaluttuaaqqamik sanasinnaasarput eqqarsarluaqqaarnani erngertumillu iliuuseqartoqarnissaa anguniarlugu imaluunniit misissuisoqannginnissaa anguniarlugu. Soorlu imaaliortoqarsinnaavoq nalunaaruteqartoqarluni atuisuuffiit unilertoq, kortivit paasissutissai nutartinngikkukkit tiimit 24-t iluanni.
Eqqarsarluaqqaartariaqarputit aammalu nalunaarutip peqquserlunniarneersuunera misissorluarnissaanut piffissaqarluartariaqarlutit. -
Suliffeqarfinniit saaffiginnissut, illit atassuteqarfiginngisanniit
Bankimiit nalunaarutinnappit atuisuuffiginngisanniit? Imaluunniit nalunaarut unammisitsinermut tunngasoq illit peqataaffiginngisat? Taamaappat ilimanarluinnarpoq peqquserlunnianit nalunaarutisimanissat, kikkunnut tamanut siaruaasumit, neriuutigineqarlunilu ilaasa ilumoorsoralugu iliuuseqarfigissagaat.
Eqqaamajuk oqarasuaatip normua tatigisinnaannginnakku
Teknikkikkut uukapaatitsiniaanerit oqarasuaatit normui atorlugit - aamma taaneqartartoq spoofing - peqquserlunnianit atorneqartarpoq, siunertaralugu oqarasuaatip normuata nuisanera allanngortillugu, allassinnaapput imaluunniit sianerlutik. Taamaasillutik peqquserlunniat oqarasuaataat assingeqqissaarsinnaallugu bankip imaluunniit politiit oqarasuaataasa normuat.
Isumaqarpoq nalunaarut ilumuunngitsuusinnaasoq, nalunaarutit allat assingalugit assersuutigalugu Tusassimit Blue Waterimiliilluunniit nalunaarutinnakkaangavit.
Nakkutigeqqissaartariaqarpat suna akuerilernerlugu
Misissortuaannaruk qanoq ilioqquneqarnerit, eqqumaffigisarullu suna akuerilernerlugu, soorlu sms-ikkut uppernarsaammik nassitsikkaangavit.