-
Faneani “Om”-ia takuuk
Inuup nassuiaatigineqarnera faneata “Om”-iani eqqumiippat imaluunniit allannerlunnernik ulikkaarpat taava ilimanaateqarpoq profiilia ilumuunngitsuusoq. Aamma taamaappoq “Om”-ia imaqanngivissorpat. -
Profiilillip kammai misissukkit
Profiiliani kammaqarpianngippat imaluunniit amerlasoorujussuarnik kammaqarpat, kisianni likeseqanngippat kommentareqanngippallu profiiliata ilumuunnginneranut ilimanaataa annertussaaq. -
Profiili nutaajua?
Peqquserlunniat ilai nutaanik profiilitaartarput, nutaamik peqquserluutissaminnik aallartitsingaagamik. Taamaattumik eqqumaffigiuk profiilimit nutaamik pilersitseqqammisumit attavigineqaruit. Nutaamik profiilimik sanasimanerup saniatigut, profiilit nutaat kammaqarneq ajorput væg-iilu imaqartaratik. -
Profiilia misissorluaruk ikkuttagai ilanngullugit
Profiilip “væg”-ia misissorukku nuanninngitsunik kommentarinik misissuissaatit, aamma qanga allataqarsimanersoq misissussavat. Kommentarit nuanninngitsut peerneqarsinnaagaluartut væg-ini inuit attaveqatigiittarfianni, profiilit ilumuunngitsut takukulasinnaavatit, kommentarinik nuanninngitsunik allataqarsimanersoq ikkussamini. Soorlu ukuusinnaapput inuit allat mianersoqqusillutik allagai profiili ilumuunnginnerarlugu, side imaluunniit suliffeqarfik.
Kommentarinik nuanninngitsunik takusaqarsinnaanngikkuit, misissoruk nutaanngitsunik imaluunniit profiilini nutaani ikkussaqarsimanersoq. Profiilit ilumuunngitsut arlalitsigut nutaanik væg-iminni ikkussaqartarput kisiannili historikkeqaratik. -
Assit profiilianiittut misissukkit
Assit misissorukkit amerlasuunik malugisaqarsinnaavutit ujarlerfigisinnaasannik. Assit tamarmik ilisimanerisa ullui, imaluunniit inummut nassuiaatigineqartumut naapertuuttuunera taamaanngippat profiili ilumoorsimassanngilaq. Aamma taamaappoq profiili ikkussuiffiusimappat tiinganiarnermut tunngasunik imaluunniit profiilip assitaani. Assini takusinnaagukku inuttaa nalunngisaralugu, taava misissoruk assit atorneqartut ilumoortuunersut, attaveqarfigalugulu qulakkeerniarlugu ilumut nutaamik profiililiorsimanersoq. Taamaattoqartillugu peqquserlunniat allat profiiliisa assii atorlugit profiilinik ilunguunngitsunik pilersitsisinnaasarput - inuttaviata ilisimanngisaanik. -
Tungujortumik qasersumilluunniit fluebeneqarnersoq misissoruk
Facebook-sidemi tungujortumik fluebeneqartumik takuguit imaluunniit Instagram-profiilimi, isumaqarpoq qulakkeerneqarsimasoq sidep profiililluunniit inuttaa, attaveqatigiittarfimmi suliffeqarfik imaluunniit nioqqutissap ilisarnaataa ilumoortuusut. Qasersumik fluebenilimmik sidemik profiilimilluunniit takuguit isumaqarpoq Facebookip uppernarsaraa ilumoortuusoq side suliffeqarfiup peqatigiiffiulluunniit ingerlakkaa.
Profiilit ilumuunngitsut inuit attaveqatigiittarfianni siaruaqqapput
Inuit attaveqatigiittarfianni profiilinik ilumuunngitsunik ulikkaarpoq soorlu X, LinkedIn, Facebook, Instagram TikTokilu.. Aamma dating-app-ini profiilit ilumuunngitsut naammattoorsinnaavatit. Peqquserlunniat silatuujupput taamaammat aamma amerlanertigut assit sumiilluunniit profiilinit ilumoortuniittut atortarpaat.