Nittartakkami niuertarfiup ilumoortuunera ilumuunnginneraluunniit ilaanni paatsiveerunnartarpoq. Niuertarfiit ilumuunngitsut nittartakkami niuertarfiit ilumoortut ilaarlugit paarlaanneqarsinnaasarput, peqquserlunniat uukapaatitsillutik aningaasanik paasissutissanilluunniit piniarlutik. Marserluaqqissaarukkilli naammattoorsinnaavatit.
Webadressii marserluartakkit, nittartakkami niuertarfimmi pisiniartillutit. webadresse eqqumiitsoq mikisunik assigiinngitsunik allanneqarsinnaasarpoq, taamaasilluni niuertarfik ilumuunngitsuusoq paasineqarsinnaalluni.
Arriilligit - anersaartorluarlutillu pisiaqannginninni
Kalaallit amerlarsuut nittartagaq aqqutigalugu niuertarnerat nalinginnaasunngoriartorpoq, eqqarsaatigineq ajugarput. Niuersinnaasarpugut suna tamaat piumallugu taamaasillutalu sukkasuumik korti akiliutigisassarput atorlugu paasissutissaatigut allattortarlugit.
Nittartakkakkut niuernaveersaartarit allanik ulapputeqartillutit. Piffissaqarluarlutit eqqarsarluarlutillu nittartakkatigut niuertarfimmi “godkend” toortinnagu misissueqqaarit.
Sooruna pingaaruteqartoq nittartakkami niuertarfiup misissornissaa?
Niuertarfimmi ilumuunngitsumi niuerniarsimaguit, assigiinngitsunik peqquserluutinik naammattuuissaatit:
Pisiatit tigunngitsoorsinnaavatit imaluunniit aningaasaatitit annaallugit.
Pisiat tiguat, kisiannili taama isikkoqanngilaq inniminnerakku (soorlu akikitsoq assilillugu sanaaq).
Pisiat tigunngilat, kisiannili kortivit kontonnullu paasissutissat allanut atornerlunneqarput peqquserlunnianullu tunineqarlutik.
Nittartakkatigut niuerniartillutit uku sillimaffigikkit:
-
Meqqilik akisooq akikitsoq
Niuerniartarfiit ilumuunngitsut amerlanertigut meqqinik akisuunik soorlu kamippannik atisanilluunniit, sipaaruteqarluartunik neqerooruteqartarput, nittartakkatigut ujarneqarsinnaasunik. Misissorluaqqaarulli tuniniagaq allaniit akikinnerungaatsiarnera. Neqeroorutip ilumoornera paasiniarlugu.
-
Oqaatsit kukkusut akillu eqqumiitsut
Niuerniarfiit ilumuunngitsut amerlasuut qarasaasiaq atorlugu nutserisitsisarput. Taamaattumik niuerniartarfiit ilumuunngitsut oqaatsinik kukkunilinnik amerlasuunik peqartarput. Akit eqqumiitsut (soorlu 378,16 kr. kamiit meqqillit akisuunik) takussutissiisinnaavoq imarisai issuagaasut nunani allanit niuerniartarfinniit toqqaannarlu kalaallisut nutsigaasut, kronenngortitaasullu.
-
Webadresset eqqumiitsut
Misissortuaannaruk webadresse ilumoornersoq, webshopikkut tuniniaasoqarnerani. Niuerniarfiit ilumuunngitsut amerlasuut weadresse nutaanngitsoq tiguarsinnaasarpaat, tuniniakkanut tunnganngivissortunut. Allat niuerniarfiit webbutikkini meqqinik tusaamasanik tuniniaasartut assiliniartarpaat, webadressii ilaarlugit allannguallataqalaaginnarlutik allanneranik.
-
Nalinga niuerniarfiullu atia allanngortoq, pisinivit akuerilernerani.
Atuaqqaartuaannarit, qulakkeeqqaarlugulu akuersinnginninni suna akuerilernerlugu, niuernerit pissusissamisut innersoq. Akiliutissavit nalinga niuerniartarfiullu atia eqqunngippata, immaqa peqquserlunniarfigitilerputit. Niuerniartarfik ilumuunngitsuusinnaavoq, kortinni paasissutissat allarluinnarmut atorneqarsinnaallutik - akisoorujussuanngorluni - imaluunniit webbutikimut allamut pisiniartoqarsinnaalluni. Pisiaq peqquserlunniamut tunniunneqarluni, kisiannili illit akilerlugu.
