airplanebooksbriefcase business cogs cross election entertainment fish house law lockmedicalpeopleselfservices socialtax

Unammisitsinerit ilumuunngitsut

Ima takusinnaavatit: Unammisitsinerit ilumuunngitsut

Inuit attaveqatigiittarfianni, mailimi imaluunniit sms-ini, unammisitsinerit ilumuunnginneri takujuminaassinnaasarput. Ilaanni unammisitsinerit assigiissinnarsinnaasarput suliffeqarfiit nassiussimasaattut isikkoqarneri pissutaallutik. Isigilluaqqissaarukkilli takusinnaavatit.

Kinami gavekortimik imaluuniit aningaasanik 10.000 koruuninik eqquerusussannginnami? Unammisitsinerit ilai soorunami ilumoortuusarput, taamaattoqartillugulu arajutserusunnanngittaqaat. Qanoq isillutit taava illit unammisitsinerit ilumoortuunersut imaluunniit ilumuunngitsuunersut takusinnaavigit?

Aallaqqaammut anersaartorluaqqaarit, imminullu periarfissaqartillutit unammisitsinermi ilumuunngitsut tallimat misissornissaannut.

Sillimaffigisassat tallimat, unammisitsinermi ilumuunngitsut paasineqarsinnaaneri

  1. Unammisitsineq nittartakkami suliffeqarfiup pigisaanik allaqqava, nassiussisuullunilu?
  2. Maili, ikkussaq imaluunniit sms-i allatanik oqaatsinillu kukkunernik ulikkaarpa?
  3. Nassiussisup profiilia tungujortumik qasersumilluunniit fluebeneqarpa?
  4. Nassiussisup nassuiaataa ilumoorpasippa?
  5. Nassiussisup væg-ia imaqanngila, nutaaqqissaajua imaluunniit kommentareqanngila akissuteqaranilu?

  1. Takuuk unammisitsinermi nassiussisoq aamma namminneq nittartakkaminni allaqqatinneraa

    Facebookimi sms-imiluunniit unammisitsineq takugaluarlugu, suliffeqarfiup nittartagaani aamma allaqqasoqarnersoq misissoruk.

    Linki tuussanngilat unammisitsinermi nalunaarummiluunniit allaqqasoq. Illit nammineerlutit suliffeqarfiup nittartagaa internetbrowserikkut misissussavat.
    Allagit imaluunniit suliffeqarfimmut sianerit, nalornissuteqaruit.

  2. Allannerlutat oqaatsillu kukkusat

    Unammisitsineq ilumoortuunngippat, taava suliffeqarfiviusimassanngilaq nassiussisoq, taama isikkoqaraluarluni, Taamaattumik ilaanni unammisitsinerit ilumuunngitsut naammattoorneqarsinnaasarput soorlu allannerlunneqarsimasut suliffeqarfiup aqqanik imaluunniit annikitsumik kukkusoqarlutik, professionelimik pilerisaarutiliortut arajutsisimanngisaannik.

    Peqquserlunnialli ullumikkut pikkorissorujuupput, ilaanni unammisitsinerit ilumoorsorinarsinnaallutik allannerlunneqaratik. Taamaattumik pisariaqarpoq misissuilluarnissat.

  3. Profiilip atia eqqaani fluebeni

    Inuit attaveqatigiittarfianni soorlu Facebookimi imaluunniit Instagramimi takusinnaavatit tungujortumik qasersumilluunniit profiilip atiata eqqaani fluebeneqartoq. Isumaqarpoq attaveqatigiittarfik suliffeqarfimmeersuusoq uppernarsarneqartoq, taamaasillutit unammisitsineq uppernartuusoq tatigisinnaavat.
    Fluebeneqanngippat isumaqanngilaq sideq ilumoortuunngitsoq. Uppernarsaatit sidenut tamanut atuutinngillat.

  4. Nassiussisup nassuiaataa uppernanngitsoq

    Inuit attaveqatigiittarfianniittoq aamma misissortassavat sideani profiilianiluunniit faneaniittoq “om”, unammisitsisup nassiussisuani. “Om”-iani allaqqasoqanngippat, nassuiaataalu suliffeqarfimmut nassiussisutut allaqqasumut naapertuutinngippat, taava unammisitsinermi nassiussisoq ilumoortuusimassanngilaq. 

    Mailikku sms-ikkulluunniit unammisitsisumik tigusaqaruit nassiussisumi allaqqasoq ilumoornersoq misissoqqaaruk. Peqquserluttuuppat, oqarasuaatip normua, atia imaluunniit maili arlalitsigut eqqumiitsumik isikkoqartarpoq. Kisianni peqquserlunniat ullumikkut pikkorissuupput “ilumoortunullu” ilaarsillutik oqarasuaativit angallattakkamut oqaluussinerit piviusuusaartissinnaavai aamma mailimi nassiussisup allaqqanera ilumoortuusorineqarsinnaalluni. Uani nalorninalaarpoq unammisitsinerup uppernassusaa misissussallugu. Taamaattumik nassiussisup eqqortumik nittartagaa iserfigiuk, misissorlugulu ilumut unammisitsisoqarnersoq, ingerlaqqillutit toorsinnginninni.

  5. Nassiussisup profiiliani væg-ianiluunniit susoqarneranik takussaasoqanngitsoq

    Inuit attaveqatigiittarfianni nassiussisup profiiliani væg-ialuunniit misissorukku, aamma takussavat sidea nutaaqqissaajunersoq, imaluunniit ikkussai tamarmik nutaajunersut. Aamma takusinnaavatit kommentarii, sideaniittut. Assersuutigalugu unammisitsisoqarneranik ikkussaa allanit nuanninngitsunik kommentareqarnersoq eqqumaffigissavat. Aamma eqqumaffigissavat nassiussisoq akineq ajorpat kommentarernerluunniit ajorpat, allat sidemut ikkussaannut.

Digitalinngortitsinermut Aqutsisoqarfik Postboks 1078 Imaneq 4 3900 Nuuk E-mail: digitalisering@nanoq.gl Oqarasuaat (+299) 34 50 00 CVR-nummer: 39350610

Nanoq_Tekst

Qarasaasianni paasissutissat ilaat atoqqissinnaajumallugit quppernermi matumani cookiet atorneqartarput. Akueriuk annertunerusumilluunniit uani paasisaqarit.