Eqqarsaatigiuk, ilumut pisariaqartivinnerlugu, nioqqutissaq nittartakkakkut pisiarinissaa.¨
“Smartit” nioqqutissat ilai pisiarisarpagut immikkuullarissumik funktioneqaraangata, uatsinnut ajornaallisitsisinnaasunik. Imaluunniit nuannariinnarlugu. Nioqqutissat allat “smartit” nalusarpagut imaluunniit pisariaqartinngikkaluarpagut.
Imminut aperigit: Ilumut pisariaqartippara nioqqutissaq nittartakkakkut pisiarissallugu?
Siunnersuutitsialak qanoq isillutit isumannaallisarsinnanerlugit “smartit” enheditit:
- Nammineq aalajangikkannik aqutsisutut-issutilioruit enhedimut
- Funkionit enhedillu ikumatikkunnaakkit atunngikkukkit
- Enhedi nutarteruk nioqqutiliortup firmwaremi nutartigassaanik. Misissoruk nammineerluni nutartertarsinnaanersoq
- Misissoruk ledningeqanngitsumik attaveqaatit isumannaatsumik enhedinnut atanersoq
Nammineq aalajangikkannik aqutsisutut-isissutiliorit enhedimut
Amerlasuuni “smartini” enhedini illit aqutsisutut isersinnaavutit, assigiinngitsullu indstillingimi allanngortillugit. Aqutsisutut isertaat arlalitsigut isissummik illersuuteqartarpoq, nioqqusiortullu aallaqqaammut isissut nalinginnaasumik isissuteqartittarpaat. Taamaammat illit nammineq nukittuumik isissutiliortariaqarputit.
Atuinissamut ilitsersuummi illit enhedinni takuuk qanoq isillutit isissut allanngortissinnaanerlugu aqutsisutut isertaatissanni.
Funktionit enhedillu atunngikkukkit ikumatikkunnaakkit
Angerlarsimaffinni enhedit “smartit” pigisatit misissukkit, imminullu aperigit, enhedit ilai internetimut atasariaqarnersut. Routerivit administratormodulia misissorsinnaavat sorliit enhedit attaveqarnersut attaveqaatinnut. Ilisarinngisatit atunngisatilluunniit atorunnaarsikkit.
Enhedit nutarteruk nioqqutissiortup firmwaremik nutarterteqqussanik
Nutarterinerit amigaatillit isumannaallisaanermi putoqalersinnaapput, digitalikkullu peqquserlunniat periarfissaqalersinneqartarput enhedinnut aammalumi ledningeqanngitsumik attaveqaatinnut, allatigulluunniit attaveqaatiut isersinnaalernissaannut.
Taamaattumik ataavartuik - soorlu qaammammut ataasiarlutit - enhedivit administratormodulianut iserlutit misissoruk firmwaremik nutaamik nutartigassaqarnersoq. Ilaanni eqqaamajuminaassinnaagaluarpoq. Enhedivit nammineerluni nutarterisinnaanera periarfissaappat taava taanna periarfissaq atuutileruk.
Atuisinnaanermut ilitsersuut illit enhedinni takuuk, qanoq misissorsinnaanerlugu isumannaallisaanermut nutartigassat namminneerlutit nutartertarsinnaanngorsinnaanerat.
Misissoruk ledningeqanngitsumik attaveqaatit, enhedit atasut isumannaatsuunersut
Digitalikkut peqquserlunniat ledningeqanngitsumik attaveqaatinnut isersinnaasarput, enhedit “smartit” aqqutigalugit. Kisiannili aamma routerit aqqutigisinnaavaat. Routeri boksiuvoq ledningeqanngitsumik attaveqaatinnut aqutsisoq, enhedit sorliit isersinnaanerinut. Illit routerit ledningeqanngitsumik attaveqaatillu, allatuulli isumannaatsuusussaavoq.