Digitalikkut peqquserlunniat nutaanik pilersitsillaqqissuullutillu nutaaliullaqqissuupput qanoq iliorlutik qarasaasiannut viruseqartitsilersitsisinnaallutik. Qarasaasiat aseroruinnarsinnaavaat imaluunniit paasissutissat ilinnut tunngasunut isersinnaalersinnaallutik. Peqquserlunniat e-mailikkut nassiussisarput, uppernartorujuusinnaapput - soorlu pisortaqarfinni oqartussat mailii ilaarlugit linkimik tuugassarnik nassiussisinnaallutik.
Peqquserlunniat ilaannit periuseqarput immikkuullarilaartumik, tassa USB-nut attaviit kikkut tamarmik atorsinnaasaanniittunik taarsersuisinnaasarput, qarasaasiannut virusimik installeriisinnaasunik, qarasaasiavit immersornerani.
Siunnersuutitsialaat pingasut qarasaasiat viruseqartilerusunngikkukku.
- Akeqanngitsumik kikkut tamarmik atorsinnaasaanni USB-nut immiissutit sianigisakkit
- Eqqarsarluaqqaarit linkimik toorsinnginninni.
- Programmit nutartertakkit.
-
USB-t immiissutit akeqanngitsut sianigikkit
Viruseqalersinnaapput atukkatit akeqanngitsumik USB-nut ikkullugit immiisartut atorukkit, soorlu bussini, hotelini mittarfinni assigisaanilu. Peqquserlunnianit atornerlunneqarsinnaapput installeriillutit malwaremik imaluunniit allat paasisariaqanngisaannik paasissutissaatinnik kopeeralutik illit smartphoninniit, tabletinniit imaluunniit qarasaasianniit, immiissutit atorukkit.
Taanna peqquserluut taaneqartarpoq ”juice jacking”.
Digitalikkut enheditit illersorusukkukkit, taava immiissut nalinginnaasoq stikkontaktimoortoq atorukuk imaluunniit powerbanki atoruk, batteriitut ilaliussatut, pisiniarfinni assigiinngitsuni pisiarisinnaavatit.
Periarfissaq alla tassaavoq pissarsiarinissaa Data Blocker imaluunniit Sync Stop, nuannarerineqarluni ima taaguutilik ”USB-kondom”. Enhediuvoq mikisoq saneraani USB-hunilik aappaanilu USB-hanilik, taakkulu mattuttarpaat paasissutissanik paarlaasseqatigiinnerit, taamaallaallu USB attaviliullugu immersuisarluni.
-
Eqqarsarluaqqaarit, linkimik toorsinnginninni
Anti-virusi nutartersimagaluaraanniluunniit pingaaruteqarpoq sillimalluaqqissaarnissaq virusinut, saaffiginnissutit ilumuunngitsut e-mailini linkeqartarput pasinartunik, inuit attaveqatigiittarfianni imaluunniit soorlu Messengerimi aamma. Peqquserlunniat saaffiginnissutaasa isikkui ilumoorsorinarsinnaapput taamaasillutillu sukkasuumik toorsitissinnaavaatsit pasitsarianngitsutilluunniit saaffiginnissut ilumuunngitsuusoq. Arriillilaarit, mailitit sms-isiatit nyhedsfeedinni misissornaveersaakkit ulapitsillutit. Taamaasiornikkut saaffiginnissutit ilumuunngitsuuneri eqqummaariffigissavatit.
-
Programmitit nutartertakkit
Nutartigassat nutarterneqarsimanngikkaangata isumannaallisaaneq paasissutissaatinnik innarlertarpoq, taakkuusarpullu nalinginnaasumik qarasaasiani, oqarasuaatini tabletinilu viruseqalersitsisartut. Virusip privatimik paasissutissaatitit aserorsinnaasarpai imaluunniit allat isersinnaatilertarlugit.
Programivit nutartertarnerani isumannaallisaanermi putut matukulanerusarput, peqquserlunniat iserfigisinnaasaralui paasissutissaatinnik aallersinnaajunnaartillugit.