Suliffeqarfimmi aqutsisutut akisussaaffigivat sulisuppit IT-mi sillimanissaata ajunngitsuunissaa. Tamakkua piviusunngortinnissaanut ilaavoq sulisuppit ilisimassagaat IT-lerinermi pissusissaat ernumanaatsuunissaat. Suliffeqarfinnimi inuit tamarmik isumannaallisaanermut attumassuteqarput. Atortussiat atorlugit ulluinnarni suleqatitit siunnersuutitsialannik qiimasumik sinaakkusersortarsinnaavatit, ataatsimoorlusi suliffeqarfissi IT-kkut sillimaniarnera nukittorsarniarlugu.
IT-mi sillimaniarneq pillugu pingaarnerpaat suleqatinnut apuutikkit
Sillimaniarnermut sammisat sorliussanersut suliffeqarfissi qanoq ittuuneranik aallaaveqassapput. Tigussaasut pingasut aallartissutaasinnaapput.
Phishing mailsit eqqumaffigisigit
Takornartanit mailit eqqumaffigalugillu upperinaveersaartarsigit. Soorlu mailit nittartakkanut pasinapiluttunut imaluunniit kakkigussat virusimik imaqarsinnaasut.
Isissutit eqqoriaruminaatsut minnerpaamik 15-inik naqinnillit atugarisigit
Isissutissat (passwords) IT- aqqutigalugu pinerlunniartartunit piumaneqartaqaat, suliffeqarfiup systemiinut isissutaasinnaammata. Taamaattumik pingaaruteqarpoq sulisut tamarmik eqqoriaruminaatsunik isissuteqarnissaat, marloqiusamillu akuersissutilinnik isissuteqartarnissaq ajornanngikkaangat atorneqartarnissaa.
Sillimanissamut malitassat angerlarsimallutit sulininni malittakkit
Internetimut isertarfik illersorneqanngitsoq hackerinit ajornaatsumik suliffeqarfimmut iserfiupallassiinnaavoq. Suleqatitillu angerlarsimaffissinni suligaangassi sillimanissap qaffasinnissaa aamma pisariaqarpoq.
- Internetimut attaviit isumannaatsuunersoq qulakkeeruk. Angerlarsimatillutit interneti kikkunnit tamanit atorneqarsinnaasut sulininni atortarnagit.
- Nammineerlutit qarasaasiat suliffinnilu qarasaasiatit tamarmik nutartersimanissaat qulakkeertuaannakkit.
- Angerlarsimaffinni isumannaatsuunissat qulakkeertaruk.
- Mailikkut, sms-itigut, oqarasuaatikkullu saaffiginnissutit ilumuunngitsut eqqumaffigikkit.
IT-mi sillimaniarneq assigiinngiiaartumik suliffeqarfinni eqqartortaruk
IT-mi sillimaniarneq ataatsimiinnermi ataasiinnarmi eqqaalaaginnarnissaa naammanngilaq. IT aqqutigalugu pinerlunniartartut periuutsitik allanngorartittuaannarpaat, sulisunillu uukapaatitsinissaminnut periarfissarsiortuaannartuullutik. Taamaattumik eqqarsaatersuutigisariaqarparsi sulisut ilisimasaasa nutartertuaannarnissaat. Tamanna ukiumut marloriarlutit iliuuserisaruk.
Suleqatissinnut anngukkusutasi assigiinngitsutigut anngunneqarsinnaapput. Apuusseriaatsit assigiinngitsut ataatsimoortillugit paasitikkusutaq pitsaasumik sunniuteqarluartumillu apuunneqarsinnaavoq,assersuutigalugu:
- Sulisut ataatsimeeqatiginerani IT-mi sillimaniarnermut maleruaqqusat eqqaaneqarsinnaapput, siunersuutinik ilallugit.
- IT-mi sillimanissamut siunnersuutit plakatinngorlugit suliffeqarfissinni nivinngaatiterneqarsinnaapput.
- Sulisut nutaat tikilluaqquneqarnerminni IT-mi sillimaniarneq pillugu paasissutissiivigineqarsinnaapput.
- Suliffiup avataaniit paasissutissiisussamik atuartitsisussamillu pisisoqarsinnaavoq