Digitalimik akisussaassuseqarneq sunaana?
Digitalikkut akisussaassuseqarneq datamik ileqqorissaarnissamut aamma IT-mi sillimanissamut imaqarpoq, siulersuisullu anguniagassaannut ilaasariaqarluni. Datamik ileqqorissaarnissap suliffeqarfissinni datanik katersisarnersi, suliaqartarnersi atuisarnersilu akisussaassusilimmik ingerlanneqartarneranik ilaatigut imaqarpoq. Digitalimik sillimaniarneq suliffeqarfippit IT-kkut systemit datallu qanoq illersortarnerinut tunngassuteqarpoq.
Digitalimik akisussaassuseqarneq pingaartinneqanngippat suiffeqarfik aningaasaqarnikkut, sullissinikkut tusaamaneqarnikkullu aarlerinartorsiortinneqassaaq Taamaattumik suliffeqarfinni aqutsisut digitalikkut akisussaassuseqarneq sulissutigisariaqarpaa. Suliffiit siulersuisoqarpat tassani aallartinnissaq isumatusaarnerussaaq. Siulersuisut naleqqamik akisussaassuseqartumik tunngaviliisinnaassuseqarput suliffeqarfinnit pigiliunneqartussamik.
Sooruna siulersuisut IT mik sillimanissaq datanullu ileqqorissaarnissaq oqaluuserisariaqaraat?
Suliffeqarfimmi digitalimik akisussaassuseqarneq sulissutigineqarpat suliffeqarfimmut naleqalersitsisinnaavoq, taamatullu IT aqqutigalugu siorasaarneqarneq mumillugu iluaqutinngortillugu. Taamaaliussagaanni digitalimik akisussaaffeqarnermik suliaqarneq siulersuisuni aalajaatsumik pigiliunneqassaaq.
Digitalimik akisussaassuseqarneq pingaartinngikkussiuk suliffeqarfik ajutoornissamut qanillisassavarsi, aningaasatigut annaasaqarsinnaaneq, sullitanik kalluaaneq, tusaamaneqarnerlu innarlerneqarsinnaapput. Assersuutigalugu IT aqqutigalugu saassunneqarnermi paasissutissat sullitanut tunngassuteqartut kikkunnit tamanit takuneqarsinnaanngorlugit siaruarterneqarsinnaapput, imaluunniit suliffeqarfimmut paasisssutissat allanit takuneqaqqusaanngitsut siaruarterneqarlutik, IT-mik sillimaniarneq qaffaasinngippat.
Illuatungaatigut suliffeqarfissinni datalerineq suliffeqarfiup ineriartorneranik alliartulerneranillu kinguneqartinneqarsinnavoq:
Siulersuisut ima aallartissapput
Immaqa eqqarsarpusi 100%-imik IT aqqutigalugu saassunneqarsinnaanermut ingalassimaarlusi, imaluunniit naamerluinnaq. Tamaannerli ajungajappoq. Digitalikkut akisussaassuseqarnersoq annikitsuarakkaarluni ingerlanneqartarpoq, ataavartumik nutartigassaasarluni, nalornisinnaasullu allanngorarneri malillugit allanngorartoq.