Suliffeqarfimmi aqutsisutut akisussaaffigaat suliffeqarfippit IT-kkut sillimaniarnerata ajunnginnissaa. Pilersuisuppit tatiginartumik kiffartuunneraatit qulakkeeqqaviuk?
Atortussanik pilersuisut hackerinit pilerigineqartarput
Atortussanik pilersuisut qarasaasiatigut saassunneqartarneri kinguneqarluartarput, pissutigalugu atortussanik pilersuisut suliffeqarfippassuarnut sullitaqarnerminni sullitat allattorsimaffippassuaateqartaramik, tassuunalu ataqatigiinermut aaqqissuussat pingaarutillit iserfigineqarsinnaallutittaaq.
Kiffartuussineq suliffeqarfiup avataanut suliakkiutigineqartillugu, qarasaasiakkut sillimaniarneq avammut ilineqartarpoq, taamaalillunilu datat isissutissallu aamma avammut tunniunneqartarlutik. Suliffeqarfinni avataaniit IT-mik suliaqartitsinerit annertunerutillugu ilinnut pingaaruteqarnerujartuinnassaaq IT-mik kiffartuussisuit isumannaalisaaneq pillugu qanimut oqaloqatigisarnissaa.
Atortussanik pilersuisut IT-mi sillimaniarneq pillugu oqaloqatigiuk
Atortussanik pilersuisut IT-mi sillimaniarnermik ukkataqarnersoq paasiniarlugu pingaaruteqarpoq ataani taaneqartut pillugit oqaloqatiginissaa. Piumasaqaatit annertussusaat soorunami illit suliffeqarfippit data-tai qanoq navianartiginersut mianernartiginersullu apeqqutaassaaq.
- IT-mik pilersuisut iseqqusaanngitsut killilersorniarlugit sunik iliuuseqarpa?
- IT-mik pilersuisut pissarsiarineqarsinnaanini qanoq qulakkeerniarpaa aammalu oppetid qanoq qaffasitsigaa (qarasaasiap sulisinnaassusia)
- IT-mii sullissisup sillimanissaq qanoq uppernarsarniarpaa?