Suna oqaatiginerit apeqqutaanngilaq, apeqqutaavorli qanoq oqaatigineritit. Amerlanerpaartaatigut paasitikkusutat qanoq apuunneri apeqqutaasarpoq. IT-mi isumannaallisaanermi akisussaaguit oqaloriaatsit assigiinngitsut pingasut akuleriillugit apuussisinnaavutit. Aqutsisut qanoq aqutseriuseqarneri, periuseqarnerilu malikkukkit isummatit iluatsittumik apuussinnaavatit.
-
Tunngavilersorluarit piviusunillu saqqummiigit
Apuunniakkat paasitinniarukku tunngavilersorluakkamik, silatusaartumik uppernartumillu tusarnaartumut isummanik apuussisariaqarputit. Assersuutigalugu statistikkinik atuisinnaavutit takutillugu saassussinerit firewall atorlugu unitsinneqarsimaneri qanoq amerlatigisimanersut kisitsisinngorlugit takutillugit, imaluunniit virusimik eqqusseriaraluarsimanerit unitsinneqarsimasut takussutissiaralugit. Kisitsisinik piviusunik takutitsinermi systeminut siorasaarisimanerit qanoq ingalassimaartinneqarsimanerat atorlugu IT-qarnermi isumannaallisaanerup pingaassusaata ukkatarineqarnissaa oqaluuseritissinnaavat. -
Paasissutissiiffiit tutsuiginartut apuukkusutanni tunuliaqutarikkit
Digitalinngortitsinermik Aqutsisoqarfiup inuiaqatigiit isumannaatsuunissaanut innersuussutai tunngavilersuutigisinnaavatit imaluunniit politiit. Tusarfiit tutsuiginartut naliginnaasut innersuussininni aallaavigigukkit, suliamut ilisimasaqassutsit nukittorsarsinnaavat. -
Aqutsisuppit misigissusaasa aalassatsinneratigut alapernaasertiguk
Inuit sianissusertik kisitsisillu kisiisa aallaavigalugit aaliangerneq ajorput. Aqutsisunut tamanna aamma atuuppoq. Suliffeqarfiit allat isumannaallisaanermikkut ajalusoornerminni aqqusaarsimasaat ilisarnarsinnaasut assersuusiarinerasigut, suliffeqarfinnut kingunerisinnaasai piviusorpalaartumik saqqummiunneqarsinnaapput. Assersuutit suliffeqarfinni peratarsinnaasut takorlooruminartullu saqqummiininni atornissai pingaaruteqarpoq.