Suliffeqarfippassuit eqqarsarluaqqaaratik sulisuminnut suliffeqarfimmi systeminut tamanut attaviliisarput. Taamaaliortoqarneratigut pinerlunniat sulisoq aqqutigalugu suliffeqarfiup paasissutissaataannut (data) isersinnaanissaat ajornaallisarneqartarpoq. Assersuutigalugu sulisoq piaarinaatsoornikkut linkimik virusimik imalinnik toorsisoorsinnaavoq, IT-lu aqqutigalugu pinerliiniartartut suliffeqarfiup paasissutissaataasivianut nalituumut isertillugit.
Iserfigineqarsinnaasut ilisimakkit
Suliffeqarfiup paasissutissaatai illersorniarlugit isumatusaarnerussaaq sulisut sullissisullu isersinnaassusaata annikillisarnissaat. Ulluinnarni suliaminnut tunngassutiliinnarnut isersinnaasunngortillugit. Aamma taamaapput administratoritut pisinnaatitaaffiit. Atuisuinnaat pisinnaatitaaffilerneqartariaqarput.
Taamaliornikkut sulisut kukkukulluttornikkut programmit aaqqissuussaanerannik allannguisoorsinnaajunnaassaaq, IT-lu aqqutigalugu pinerliiniartartunit hackerinikkut saassunneqaratarsinnaanera annikillisarneqassalluni. Sulisoq aamma isertaatiminik allamik avitseqateqartinneqartariaqanngilaq (Sulisut tamarmik qarasaasiamik ataasiinnarmik sulliveqartinneqarpata).
Suliffeqarfiup pisinnaatitaaffilersuisussamik sulisumik taasigitsi. Sulisut nutaat aallartinneranni isissutissanik tunioraasusassaaq, atuisuuffinnik allanngortiterisinnaassalluni, akisussaaffiit allanngortinneqarsimagaangasa, pilersuisut allanngorsimappata imaluunniit konsulentit taamaatissimappata piiaasinnaasumik.
IT-mik kiffartuussisussi iserfigisinnaasassinnik aqutsisuuppat, pingaaruteqarpoq pitsaassusermik aaliangersimasumik kissaateqarfiginissaa.
Sulisut oqarasuaataanut tunngasunut inatsisilioritsi, imaluunniit tabletinut qaraasianullu suliffeqarfiamut internetimut attaveqaataatigoortoqarpat.
Suliffeqarfippassuarni nalinginnaasuuvoq sulisut namminneq oqarasuaatiminnik (devices) suliffeqarfiup internetikkut attaveqaataanut attavilertarnerat. Assersuutigalugu suliffeqarfiup wifia nammineq oqarasuaatiminnut attavilerlugu. Taamaaliornikkut suliffeqarfiup softwareanut ajoquseeratartoqarsinnaavoq. Taamaattumillu BYOD-mut (Bring Your Own Device)
malitassaliortoqarnissaq pisariaqarsinnaalluni.