Cloud-inik atuineq atoruminartuuvoq akisussaaffilli suliffeqarfimmiippoq.
Cloudimik atuineq suleriaatsinik eqaallisaataasinnaavoq pisariillisaataallunilu, suliffeqarfimmi atorfissaqartitat aallaavigalugit nalimmassaasoqarsinnaammat. Cloudimilli atuineq aamma isumaqarpoq suliffeqarfiup paasissutissaatitik (data) suleriuutsillu (systemer) aqunnissaanut killilersorneqartut. Tamanna kiffartuussivinni ITmik suliaqartartunut suliakkiutigisimagaanni ajornaannerusarpoq. Taamaattumik ilaatigut suliffeqarfiup akisussaaffii cloudimillu neqeroortup akisussaaffii sumut killeqarnersut naatsorsoruminaattarput takujuminaallutillu. Cloudimik atuineq isumaqanngilaq suliffeqarfiup datanik systeminillu akisussaaffini iperassagaa, suli pingaaruteqarluinnarpoq qarasaasiatigut sillimanissaq aammalu cloudimiittut datat illersornissaat.
Sunaana cloudimik kiffartorneqarneq?
Cloud-ikkut kiffartuussiviit tassaapput IT-mik kiffartuussiviit internet aqqutigalugu pissarsiarineqarsinnaasut. Hardware, software- infrastruktur- imaluunniit IT-mik tamakkiisumik kiffartuussiviit. Cloudimik kiffartuussiviit pillugit uani atuarsinnaavutit.
Cloudimik kiffartorneqarnermi sakkussat kiffartuussinerillu pisiarineqarsinnaasut makkuusinnaapput:
- Suleqatigiinnermi atortussiat aammalu allakkanik pingaarutilinnik suliaqanermut atortussiat (ass. Microsoft 365)
- Sulisoqarnermut sulianut atortussiat (ass. SAP)
- Fil-inik toqqorsiviit avitsisarfiit (ass. Dropbox)
- CMS-systemit (ass.fx Wordpress)
Cloudinik atuinerit pisinerillu qajannaatsut
Cloudinik kiffartuussivinnik atuisunut datanik IT systeminillu toqqorterinerminni suliffeqarfinnut innersuussutit arfiniliupput.
- Ilisimasanik katersineq avataaniillu ikiorneqarnissamut atorfissaqartitsinerup annertussusaa ilisimaleruk
Suliffeqarfissinni cloudimik atuinermi akisussaasussamik toqqaagitsi, taassumalu ilisimasaqarlualernissaa suliffeqarfiullu sunik atorfissaqartitsineranik ilisimasaqalertussamik qulakkeersiuk. - Cloud nalilersorsiuk
Cloudip atulinnginnerani suliffeqarfissi sillimaniarnermut piumasaqaataanut naleqquttunik, cloudip atornerani aarlerinarsinnaasut qulaajarniarlugit nalilersuigitsi. Assersuutigalugu eqqumaffigisiuk backup-isi, malwareinullu illersorneqarnersinnut firewalleqarnersinnullu naapertuunnersoq. Atulereernerata kingorna piumasaqaatisi angusimanerlugit alaatsinaattuarsiuk nalilersorlugulu. - Cloudimik nioqqutilimmut piumasaqaateqaritsi
Cloudimik nioqqutilimmut oqaloqateqarnissamut ikiortiserinnigitsi. Pingaartumillu sillimaniarnermut akisussaanermullu ersarissumik suliffeqarfissi tunisassiamillu pilersusoq paaseqatigiigitsi. Cloudinik tunisassianik pilersuisunik oqaloqateqarniarneq ajornarsinnaasarpoq, sillimaniarnerli matussuserniarlugu kiffartuussinermik pisisoqarsinnaasarpoq. - Ajunngitsumik ikkussuuneqarnissaa qulakkeersiuk
Sillimaniarneq eqqarsaatigalugu cloudimut qanoq ittumik pisinerlusi, suliffeqarfissinnullu kingunissai pulaffigilluarsigit. Atornissamut iluarsiissutit sorliit atussanerlugit nalilersuigitsi. - Cloudimik atuinissinni sillimanianiarneq ataavartumik nalilersortuarsiuk
Cloudimik tunisassiortup neqeroorutai isumaqatigiissutit malillugu ingerlanneqarnersut qulakkeersiuk, pisariaqarpallu atorfissaqartitassinnut nalimmassarsiuk. - Atortussiap atorunnaarnerani datat iserfigineqarsinnaanerat eqqumaffigisiuk
Suleqatigiinneq unissappat isumaqatigiissut sunik pisussaatitsinersoq eqqumaffigisiuk. Isumaqatigiissutip taamaatinnissaa isumaqatigiissuteqarnerup aallaqqaataaniilli eqqumaffigisiuk.