Ujaasinermi nassaarineqartut

Qarasaasiatigut sillimaneq pitsaasoq aqutsisoqatigiinniit aallartittarpoq Immikkoortoq una suliffeqarfimmi mikinerusumi akunnattumilluunniit angissusilimmi aqutsisumut, qarasaasiatigut sillimaniarnermik nukittorsaarusuttumut...

Kalaallit suliffeqarfiutaanni qarasaasiatigut saassunneqarataannaanermik aarlerinaateqaqaaq. Taamaattumik suliffeqarfittut IT-mik atuinermi sillimanissamut aammalu qarasaasiatigut saassunneqarnermi qanoq iliuuseqarnissap isummerfinissaa pingaaruteqaqaaq. Qanoq ilisukkut IT-mi atortut innarlerneqassagaluarpata pisoqannginnerani, pisoqarnerata nalaani, pisullu kingorna qanoq iliortoqarsinnaanerinik, siunnersuutit ilitsersuutillu katersorneqarsimapput ataani atuarsinnaavatit.

Aqutsisutut suliffeqarfippit qanoq sukkullu innarleratarneqarsinnaanerata qanoq inissimanera nalilersortariaqarpat. Taamaliornikkut sukkut qanorlu annertutigisumik sillimmartaassanerlutit aaliangiiffigisinnaalissagakku. Taamaaliornikkut suliffeqarfippit innarlerneqaratarsinnaanermut sanngiiffii ilisimalissavatit annikillisaaffigisinnaalerlugillu.

Suliffeqarfippassuit avataaniit pilersorneqartarput IT systeminut ingerlatsinerminni, soorlu cloudinik atuinermikkut IT-kkullu kiffartuussinikkut. Taamaattumik pingaaruteqarpoq pilersuisussi upalungaarsimanermut sillimaniarneranut piumasaqaateqarnissarsi.

Sillimaniarnikkut ajalusoornerit amerlasuut kukkuluttornikkut imaluunniit ilisimasat killeqarnerisigut pikkajuttarput. Assersuutigalugu uukapaatitaanermit linkinik toorsisoortoqarsinnaasarpoq imaluunniit isissutinik tunniussisoortoqartarluni. Taamaattumillu suliffeqarfiup IT-mi sillimanissaanut qitiuvoq sulisut ajortoqarsinnaanissaanut millisaaqataasinnaanertik ilisimassagaat, aammalu suliffeqarfiup ransomareimik saassunneqarnissaa annikillisarsinnaallu phishingmailsit avaqqunneratigut.

Digitaliseriineq annertusiartortillugu kalaallit suliffeqarfiutaanni niueqatigiinnikkut aarlerinarsinnaasut digitalimik akisussaassuseqarnermik akerlilerneqarsinnaapput. Suliffeqarfippit digitalikkut akisussaassuseqarnera aqutsisunit aallartissaaq, taamaattumik siulersuisut oqaluuserisassaannut ikkunneqarnissaa pingaaaruteqarpoq

Ullutsinni inuiaqatigiinni digitaliusumi suliffeqarfiit amerlanersaat qarasaasiatigut suliat paasissutissallu illersorneqarnissaat pillugit suliaqartareerput. Taamaattumillu suleriuutsit assigiinngitsut suliffeeqarfinnit ingerlanneqartarput. Suleriut akuerisaq tassaasarpoq standardinik atuineq. Standardinik atuisut sulianik ilisimasaqarluartunit nunarsuarmit tamaneersunit ineriartortinneqarsimasunit, tusindtilinnillu misilittarneqarsimasunillu aallaveqartarput.

NIS2 tassaavoq EU-mi inatsit IT-kkut sillimaniarnermik piumasaqaatilik. Kalaallit Nunaat maannamut suli NIS2-mut ilaatinneqanngilaq.