Mailit sms-illu ilumuunngitsut taaneqartarput phishing aamma smishingimik. Ileqquupput pinerlunniat uukapaatinniarlutit paasissutissaatinnik piniarlutik elektroniskimik atortagaat.
Nalinginnaasumik e-mailikkut nassiussisarput (phishing) imaluunniit sms-erlutik (smishing), nassiussisup misilillugu paasissutissanik ilinnut tunngasunik nassiussitinniaasarneri, soorlu akiliutigisartakkavit kortip paasissutissaanik imaluunniit privatimik paasissutissaatinnik e-mailikkut imaluunniit nittartagaq ilumuunngitsoq allallu assingisinnaasai aqqutigalugit.
Eqqumaffigiuk saaffiginnittoq bankeminngaanneernersoq imaluunniit Akileraartarnermut Aqutsisoqarfimmeersuunersoq tassanngaannaq paasissutissanik ilinnut tunngasunik piumasoq sianernikkut imaluunniit mailikkut linkimik nassiussisoq allattorluunniit.
Peqquserluffigineqarpit
Uukapaasiarineqarsimaguit kortinnik imaluunniit paasissutissanik ilinnut tunngasunik, taava sukkaasumik qisuariartariaqarputit.
Kortit imaluunniit paasissutissat ilinnut tunngasut siammartinngisaannakkit
Phishing-mailit ilisarnaatigisarpaat e-mailikkut uppernassuseqarlutik bankiminngaanneersuusaarlutik imaluunniit suliffeqarfimmiit oqartussaneersuusaarlutik nassiussisarneri. Piffissami sivisuumi mailit taamaattut ajornanngitsuaqqamik paasineqarsinnaasarput oqaatsit atorneqartut ajussusaat pissutigalugit, kisianni pinerliniat phishing-mailinik nassiussuisartut pitsanngoriartuinnavipput - e-mailit nassiuttagaasa oqaaseqatigiivi uppernarsiartormata logollu ilaartarlugit.
Mailit uppernarsinnaagaluartut paasissutissanik ilinnut tunngasunik e-mailikkut nassiussinngisaannassaatit. Linkit imaluunniit fil-it phishing-mailini sms-inilu kakkiunneqarsimasut softwaremut ajoqutaasinnaapput taamaattumik ammarnissai imaluunniit mailikkut sms-ikkullu akinaveersaagassaapput.
Eqqumaffigikkit sianerfigitinnerit pasinartut
Oqarasuaatikkut peqquserlunnianit sianerfigineqartarputit paasitinneqarlutillu unammisitsinermi ajugaasimasutit, taavalu paasissutissat ilinnut tunngasut tunniuteqquneqartarlutik pinnattassat tiguniarukku. Taama peqquserlunneq taaneqartarpoq vishing. Aamma paasitinneqarsinnaavutit isumannaallisaanermut tunngasumik qarasaasiat ajornartorsiuteqartoq paasissutissallut inummut tunngasut assigiinngitsut piumaneqarsinnaallutik ajornartorsiutinngorpallaannginnerani.
Eqqumaffigissavat aamma peqquserlunniat teknikkikkut iliuuseqarlutik oqarasuaatip normua allanngorlugu atorlugu sianersinnaammata. Taanna “spoofing”-imik taaneqartarpoq. Taama iliornikkut peqquserlunniat bankip politiilluunniit normuat ilaarlugu imaluunniit nunanit allaneersuullutik kalaallit normuannit normoqartuusaarsinnaasarput.
Peqquserlunneq kinaassuseq ilumuunngitsoq atorlugu
Allarluinnaq peqquserluut tassaavoq e-maili, inuit attaveqatigiittarfii, datingertarfiit il.il. aqqutigalugit kinaassutsimit ilumuunngitsumit attavigineqarsinnaavutit, aningaasannanniarluni. Taanna ‘Romance scma’-imik taaneqartarpoq, illit pinerluttorlu onlinekkut asanninnermik pilersitsisimagussi, pinerluttullu illit tatigeqatigiinnersi atornerlullugu aningaasanik uukapaasiarisinnaavaatit.
Peqquserluutip pingajuat kinaassusermit iluuunngitsumit atorneqartartoq tassaavoq ‘Nigeria-breve’. Uani piumaffigineqassaatit aningaasanik annertussusilinnik, nunani allani pisoorsuarmik imaluunniit advokatimit, akitsuummik aalajangersimasumik akiliiguit tusindilinnik koruuninik neriorsorneqarsinnaallutit. Kisiannili aningaasat neriorsuutaasut tigunavianngilatit, aali akitsuummik akiliinikuullutit.