Pinerluttut paasissutissat eqqortut pissarsiarigunikkit, soorlu CPR-normu imaluunniit isissutit paasissutissartai, taamaasillutik atornissaminnut imaluunniit atuisunngornissamut isumaqatigiissummik imaluunniit allat paasisariaqanngisaannik inummut paasissutissanik soorlu peqqissutsimut paasissutissat. Taakkua paasissutissat atornerlunneqarsinnaapput, tilliffigitissimasumullu kingunerluutaasinnaallutik.
Atornerluinerit assigiinngitsut:
- CPR-normu
Kinaassutsimik tillinneq eqqartoraanni, amerlanertigut CPR-normumik atornerluineq eqqarsaatigineqartarpoq. Kisianni CPR-normu atorlugu nioqqutissanik pisineq imaluunniit nittartagaq aqqutigalugu atorneq ajornakusoortuuvoq. Kisiannili aningaasivit katassimagaanni tillitsissimagaanniluunniit, aningaasivimmiittuutigalugillu kinaassutsimut uppernarsaati soorlu kørekorti sygesikringsbevisi, taakku atornerlullugit niuertarfinni akiligassiilluni pisisoqarsinnaavoq. - Nammineq profiilit
Paasissutissat inummut tunngasut soorlu isernissamut isissutit inuit attaveqatigiittarfianni profiilinut, emailkonti assingisaalu atornerlunneqarsinnaapput uumisaarutitut, tilliffigitissimasumut. Uumisaarineq imaassinnaavoq inuup nammineq Facebookimi imaluunniit Instagramimi profiilia allanngortillugu imaluunniit mailkontoaniit allakkanik nassiussilluni. - Akiliutit
Nalinginnaanerpaaq paasissutissanik atornerluinermi tassaavoq akiliummik atornerluineq. Illit akiliutit imaluunniit akiliinissannut kortivit paasissutissai tillinneqarsimappata nittartakkami pisissutigineqarsinnaassapput. - Atornerluisunut illersorneq
Tunngaviusumik illersorluarneqartaraluarput kinaassutsimik tilliffigitissimagaanni, pissutigalugu qaqutigoormata isumaqatigiissutit nammineq isumaqatigiissusiorfigisimanngisat. Kinaassutsimik atornerluisut misigititsinerlussinnaasarput, piffissaq sivisooq atorlugu akiliisitsiniartarfiit allallu paasitinnissai nammineq aningaasanik atorani imaluunniit nittartakkatigut pisisimanani uppernarsarnissai sivisusinnaasarmata.
Ilanngullugu aamma qulalertoqartarpoq kinaassutsimik tillittut paasissutissanik sunik pisimanersut, atorneraallu paasissutissat allanut tuniniarlugit.
Ukiut tamaasa kinaassutsimik tillittoqartaraluartoq qaqutigoortorujussuuvoq nutaamik CPR-normutaatarneq. - Kinaassutsimik atornerluineq pinaveersaaruk
Isumassarsiatsialaasarpoq mailikkut, SMS-ikkut sianerfigitinnikkulluunniit saaffiginnissummik unamminarsinnaasumik pigaanni qularsimanissaq. Peqquserlunniat ilaanni pasinanngissinnaasarput - ingammik bankeminngaanneersuusaarlutik oqartussaneersuusaarlutillu uppernarpasittuusaaraangamik.
Siunnersuutitsialaat atukkit, qanoq illit paasissutissaativit paarinissaannut.