Toorsineq ataasiinnaq pisariaqartarpoq assit inuit allat susassarinngisaat siaruarternerani, amerlanertigut inerteqqutaasaraluartut.
Toorsineq ataasiinnaq pisariaqartarpoq assit inuit allat susassarinngisaat siaruarternerani, amerlanertigut inerteqqutaasaraluartut.
Inerteqqutaavoq assinik videonillu siammarterineq inuk akuersiteqqaarnagu assinik videonilluunniit siammarterineq. Taamaattumik allat takusariaqanngisaannik killissamilluunniit qaangiisut assit videollu siammartinngisaannakkit, akuersisoqarsimatinnagu - ikinngutigigaluarukkilluunniit.
Illit nammineerlutit tigusaqarsimaguit paarisaqaruilluunniit, killissamik qaangiisunik imaluunniit kinguaassiornermut tunngasunik assinik/videonik, akuersissuteqanngitsumik assimi inuttaasumiit, ingerlaannaq digitalimi platformini inuit attaveqatigiittarfiannilu piissavatit (oqarasuaatinni, qarasaasianni, iPadimi, iCloudimi, Messengerini, Dropboximi assingisaanilu).
Allat takusariaqanngisaannik assimik nassiussiguit, soorlu assersuutigalugu sms-ikkut, Messengerikkut imaluunniit Snapchatikkut, assimik piginnittuunerit annaasinnaavat assillu qanoq atorneqarnera. Nalussavammi nassitavit asseq screenshoterlugu kikkunnut tamanut takusassiarisinnaaneraa imaluunniit kammalaatiminut takutissinnaaneraa.
Allat illit assinnik ilisaqarsimappata imaluunniit allat takusariaqanngisaannik assimik videomilluunniit, piumaffigissavatit asseq piissagaat. Unnerluutigalugillu taakkua, nittartakkamik aqutsisut imaluunniit inuit attaveqatigiittarfiat attavigalugu ikiorsinnaaneraatsit assip peernissaanut, amerlasuunit siammarterneqarsinnaammat.
Politiit attavigalugit aamma unnerluutigisinnaavatit digitalikkut atoqatigiinnermi kanngunarsaasoqarsimappat. Atuarnerugit uani politi.gl
Inummut kingunerluutaannaanngilaq ilinnut allanulluunniit, assinik videonillu eqqunngitsuliorfigitinnermik nittartakkatigut siammarterisoqarpat. Aammali sakkortuumik killissamik qaangiisoqartarpoq nammineq allat takusariaqanngisaannik siammarterisoqartillugu nunarsuarmi tamani takuneqarsinnaalerpata, illillu tamanna aamma misigisinnaavat assigiinngitsutigut peqquserluffigitinnermik.
Atoqatiginninniarnermik pinngitsaaliiniarsarineq - imaluunniit sextortion - aallartikkajuttarpoq inuit attaveqatigiittarfianni attaveqatigiinnermik, assinillu imminnut nassitseqattaarnermik. Peqquserlunniat qunusaarutigisarpaat assit kikkunnit tamanit takuneqarsinnaanngornissaat imaluunniit ilaquttannut kammalaatinnullu nassiunnissai, aningaasanik aalajangersimasunik akiliinngikkuit, assit nassiunneqassapput imaluunniit naapikkumaneqarsinnaavutit qunusaarisumiit.
Sanilitit kisimik allat takusariaqanngisaannik assinik videonillu siammarterisinnaanngillat. Kikkut tamarmik taamaasiorsinnaapput, isumaqaraluaruilluunniit illit siammartikkat kammalaatinnut tatigisannooraluarpat. Onlinemi atuinitta suna tamaat ajornanngitsuutippaa sukkasuumillu assinik siammarteritissinnaalluta. Taamaattumik eqqarsaatigeqqaartaruk siammarterinissat imaluunniit “send”-ip toornissaa. Unnerluutiginnissaguit najugaqarfinni politeeqarfik saaffigisinnaavat. Periarfissaavoq aamma vagtcentralimut sianernissaq uunga 701448. Uani atuarnerugit politi.gl.