Illit kisivit assinik siammarterigaluarlutit, opslagilioraluarlutit imaluunniit videonik siammarterigaluarlutit, nalunngilat aamma pisinnaavutit allat pisinnaaffeqartut assini illit ilaaffinni siammarterisinnaallutik, illit indstillinginni tamanna aaqqissimanngikkukku. Tamanna aaqqissinnaavat indstillingimi killeqartilerlugulu kiap assit paasissutissallu ilinnut tunngasut siammartersinnaanerai.
Illit indstillinginniittut ilisimavigit, suut siaruarterneqarnersut ilinnut tunngasut?
Illit nammineerlutit aalajangersinnaavat aquussinnaallugulu kiap taasinnaaneraatit paasissutissanillu siammarterilluni, assernik assingisaanilluuniit arlaannik illit pillutit inuit attaveqatigiittarfianni. Indstillingikkut tamanna aaqqissinnaavat. Facebookimi Instagramimilu illit aalajangiisinnaavutit suut akuerissanerlugit taatinninni, allanit takuneqannginnerini. Indstillingimi aamma killilersuisinnaavutit periarfissanik kammalaativit kikkut taasinnaaneraatsit aalajangersinnaavat. LinkedInimi aamma indstillingikkut toqqarsinnaavat allaniit taatikkusunnat imaluunniit eqqartortikkusunnak opslagimi.
Sooruna pingaaruteqartoq?
Assimi taatissimaguit imaluunniit opslagimi videomiluunniit, nalinginnaasumik profilinni ersilissaaq, illit indstillinginni killilersorsimanngikkukku kiap/kikkut taasinnaaneraatsit. Isumaqarpoq asseq immaqa illit akuerinngisat nuannarinngisalluunniit, suliffinni pisortannit takuneqariaannanngortoq, meeqqavit imaluunniit nalusaqqinnaavit takugaa, illit kissaatiginngikkaluarlugu.
Assersuuteqarpoq aamma, peqquserlunniat ilumuunngitsunik annoncenik unammisitsinernillu taasinnaavaatsit “peqatigalutit”, taamaasillutit illit kammalaativit qisuariarfigissavaat annocneq, nalullugu peqquserlunnianinngaanneersuusoq. Taamaasillutit eqqunngitsumik annoncenerit peqquserlunniartutullu isigineqalersinnaavutit, kammalaatitillu isumaqalerlutik illit tamanna akisussaaffigigit.
Killiliigit arlaata assit siammarterpagu, illit akuerisimanngikkukku siammarternissaanut, imaluunniit killissamik qaangiippat. Assimik siammarterisimasoq attavigiuk, piumaffigalugulu asseq piissagaa. Aamma naammangittaalliutigisinnaavatit, nittartakkamik aqutsisut imaluunnit inuit attaveqatigiittarfiat, soorlu Facebooki piumaffigisinnaavat asseq piissagaat. Aamma taamaasiussaatit tassanngaannaq taatissimaguit opslagimi, spamiuppat imaluunniit ilinnut attuumassuteqanngippat.
Sooruna pingaaruteqartoq?
Killissamik qaangiinerusinnaavoq assimi taatissimalluni kissaatiginngisamik, allat takusassaanni. Illit assinnik siaruarterisut immaqa eqqarsaatigisimanngilaat ilinnut qanoq isumaqarnera. Aallaqqaammut alloriarneq siulliussaaq pineqartup saaffiginissaa asseq opslagerluunniit peeqqunissaanut.
Pineqartup asseq peerusunngippagu imaluunniit nalugukku kina siaruarterisimanersoq, tunniussinnaavat nittartakkamip piginnittumut imaluunniit asseq inuit attaveqatigiittarfianni ikkunneqarsimasumut. Taatinnerit peereeraluartoq atit suli nuisasinnaavoq asserlu suli kammalaatinniit profililluunniit malinnaasuaniit, taamaasilluni suli siaruarterneqarsinnaalluni kammalaativit malinnittaaniit. Aamma opslageq tunniussinnaavat taaneqarfiit, spamiunngippat imaluunniit neqeroorutaanngippat ilumoortoq.