Assinik siammarterisaqaagut. Kammalaatitit Facebookimi, Instagramimi allaniluunniit inuit attaveqatigiittarfianni assinnik siammarterisarput. Immaqa aamma illit nammineq meeqqavit assii kammavillu assii siammartertarpatit. Ilisimaarikkit suut siammarterneqarsinnaanersut.
Illit nammineq assitit imaluunniit assersuutigalugu meeqqavit assinga inuit attaveqatigiittarfiannut iligukku, illit assimik piginnittuunerit annaassavat. Digitalikkut peqquserlunniat imaluunniit allat periarfissaqalersinnaapput assiutivit atornerlunnissaanut.
Assinik siammarterinnginninni eqqarsarluaqqaarit
Inuit attaveqatigiittarfianni assinik pisoqarfiusunilu assinik siammarterilluni nuannersuuvoq. Sukkasuumillu eqqarsarluaqqaarata “del” tooraangatsigut kingunissai eqqarsaatiginngitsoortarpagut. Tullianili eqqarsarluaqqaarlutit assinik siammarterigina.
Akuerseqqaarit assit videolluunniit siammartinnginnerani
Aallaqqaammulli assimi ilaasut inuit attaveqatigiittarfiannut ilinnginnerani akuersissummik peqqaartartussaavutit. Aamma isumaqaraluaruilluunniit asseq kusanarlunilu allatut isgineqarsinnaanngippat. Nalinginnaasumik immikkoortinneqartarput assit inuk assilisaq, imaluunniit pisumi assilisaappat. Isumaqarpoq illit pisumi assilisat ikkussinnaavatit, kisiannili inunnit assilisat akuersissuteqaqqaarlutit ikkussinnaallugit.
Sooruna pingaaruteqartoq?
Immaqa indstillinginni killilersuillutit kikkut assinik takusinnaanersut aaqqereeraluarit, imaluunniit siaruartikkatit, pingaaruteqarpoq eqqarsarluaqqaarlutit assinit ikkussinissat. Nalujuaannarpammi arlaata screenshoterlugit assit allanut ingerlateqqissinnaagai, immaqa pisortarisannut apuussinnaapput imaluunniit allarluinnarnut inunnut takutikkusunngisannut. Tamannalu illit indstillinginni nammineq aqussinnaavat.
Siaruartinngisaannakkit assit killissamik qaangiisut imaluunniit allatut ajortumik isiginnitsitilersinnaasut
Assinik killissamik qaangiisunik kinguaassiornermullu tunngasunik videonilluunniit siammarterineq inerteqqutaavoq, pineqartut akuersisimanngippata. Nassiussat siaruartikkalluunnit kinguaassiornermut killissamillu qaangiisunut tunngasut akuersissuteqaqqaarnak nassiutinngisaannakkit. Taamaammat killissamik qaangiisumik imallit kinguaassiornermut tunngaannanngitsut assit videollu eqqumaffigissangakkit. Imaassinnaavoq aamma assit allat videollu inummut ajortumik isiginnitsitsilersinnaasunik peqartoq.
Taamaattumik eqqarsaatigilluaqqaaruk siammartilikkavit imarisaa killissamik qaangiinersoq imaluunniit allanut nikalluutaasinnaanersoq. Nalorniguit taava siammarterinngiinnarit.
Aaqqiguk kikkut assit siammartikkatit takusinnaaneraat
Illit nammineerlutit aalajangersinnaavat assit siammartikkatit inuit attaveqatigiittarfiannut, kiap takusinnaanerai. Indstillingikkut aaqqissinnaavat aalajangerlugulu opslagi kikkunnit tamanit takuneqarsinnaanersoq imaluunniit inuit aalajangersimasut kisimik takussaneraat. Facebookimi, Instagramimilu allaat immikkoortitserisinnaavutit malinnaasuit eqimattalluunniit suut taakkununnga takutikkusunnerlugit, soorlu aamma profilitit privatinngortissinnaagitit. Indstillingimi aamma nammineq aqussinnaavat allat illit assiutitit siammartersinnaaneraat illit akuersiteqqaarnak imaluunniit taatissimaguit illit akuerseqqaarsinnaavutit nuinnginneranni illit profilinni.
Sooruna pingaaruteqartoq?
Patsisissat amerlapput kikkunnut siammarterisinnaanivit aqunneranut. Assersuutigalugu kikkut tamarmik takusinnaasaannik ikkussaqarsimaguit kikkut tamarmik siammartersinnaassavaat takusinnaallugulu. Taamaasillutit illit aqutsinerit annaassavat, sunullu tamanut opslagit ikkunneqarsinnaanngorluni. Kikkut tamarmik takusinnaasaat opslagi - aamma kammaginngisavit takusinnaalissavaat inuit attaveqatigiittarfianni. Imaassinnaavoq aamma suliffinni pisortarisannut imaluunniit pisortassannut apuuttoq, kammavit kammaasa imaluunniit allarluinnarmut aamma. Digitalikkut peqquserlunniat aamma kikkut tamarmik takusinnaasaanni assinik tillillutik ilumuunngitsumik profililiorsinnaapput, illit assit atillu atorlugit.