Meeqqap oqarasuaat tableterluunniit nutaaq atuleraangagu, misigisassat nuannersut nittartakkami utaqqilersarput. Ajoraluartumilli aamma misigisassanik nuanniitsoqarpoq digitalikkut peqquserlunnianit misigitinneqarsinnaasut, meeraq ilitsersuussimanngikkaanni qanoq illersorsinnaanermik.
Meeqqat ikioruk ileqqunik ineriartortitsineranik. Uani sektionimi pingaarnerit sammissavagut.
- Meeqqat ikioruk atuisutut/profiilip atissaani toqqaaniarnerani spilimi immaqaluunniit inuit attaveqatigiittarfianni.
- Meeqqat ilinniartiguk qanoq isissutit pinkodellu isumagineqartarnersut.
- Paasissutissat inummut tunngasut pillugit meeqqat oqaluuguk.
- Ledningeqanngitsumik attaveqaat qanoq atugassaanersoq meeqqat nassuiaaguk.
-
Meeqqat ikioruk atuisutut profiilillu atissaanik
Meeqqat ikioruk atuisutut atissaanik ujarliullugu, pasinarpallaanngitsumik. Eqqarsaatigiuk qanoq annertutigisumik profiilimi paasissutissat immersussanerlugit.
Profiilimi allaqqasussaapput ateq kinguliarlu, taamaasilluni meeqqavit kammaasa nassaariuminartinnerussavaat Fortnitemi, TikTokimi imaluunniit Snapchatimi. Kisianni aamma digitalekkut peqquserlunnianut paasissutissanik tunisipput, allaqatiginissaanut kammalaataasuusaarlutik, peqquserlunniat meeraq nalunngittuusaarsinnaammassuk.
Meeqqat ilinniartiguk kammagiumaneqaruni misissoqqaartassagaa kammagiumannittoq. Misissorlugit paasissutissat ajunnginnersut, soorlu kammalaatai, siornatigut sammisasarsimasai opslagii taavalu qanga profiilitaarsimanera. Amerlanertigut profiili ilumuunngitsuusut paasineqartarput.
-
Meeqqat ilinniartiguk qanoq isissutit pinkodellu isumagineqartarnersut.
Isissutit nammineq pigisassaapput atoqqinnatillu allanut siaruartertussaanatik. Nuanniitsumik kinguneqarsinnaapput, meeqqavit spilimi isissutini tunniuppagu, inuit attaveqatigiittarfianni imaluunniit atuarfimmi. Meeqqat ilinniartigut, isissut ataasiinnaq atortassanngikkaa, allanullu ingerlateqqittassanngikkaa.
-
Meeqqat ilinniartiguk paasissutissat inummut tunngasut paarisarnissaanik
Paasissutissat inummut tunngasut allalluunniit paasisariaqanngisai soorlu isissutit, peqqissusermut paasissutissat CPR-normulluunniit allanit paasineqanngilluinnartussaapput. Paasissutissat ataasinnguaq isumaqanngikkaluartorluunniit, taannaasinnaavoq peqquserlunniap arlaannut isernissaminut amigaatigisaa.
Meeqqat ilinniartiguk isertuussat paasissutissallu inummut tunngasut inuit attaveqatigiittarfiannut ilineqartannginnissaanik-
-
Ledningeqanngitsumi attaveqaammik qanoq isumannaatsumik atuisoqartarnersoq meeqqat oqaluuguk
Meeqqat ilinniartiguk ledningeqanngitsuni attaveqaatit isumannaatsut ammasullu assigiinngissutaannik aamma paasissutissanik allat paasisariaqanngisaannik attaveqaatini ammasuni nassiussisassannginneranik.
Apeqqutaannginngilaq ledningeqanngitsut attaveqaatit sorliit meeqqavit isersimaffigigaluarpagit, Fortnitemi spilissatillutik imaluunniit YouTubessatillutik. Ledningeqanngitsumik attaveqaat kikkunnit tamanit atorneqarsinnaasoq isissuteqaqqaarani atorneqarsinnaanera meeqqannut illersuisinnaanngilaq. Attaveqaat ammmasoq digitalikkut peqquserlunniat paasissutissanik aallernissaminnut periarfissatsialattut isigisarpaat, meeqqavit nassiussillutillu tigusisarneranni (soorlu isissutinut paasissutissat assinillu nassiussisaarnerni) aamma atornerlussinnaavaat.