Digitalikkut sillimaniarneq oqarasuaammi sillimaniarnermi indstillingi kisimi apeqqutaanngilaq. Appsini installererneqarsimasut aamma apeqqutaasarput.
Uani sektionimi siunnersuutinik appinik toqqaasinnaanermut, meeqqavit pisariaqartitaanut siunnersussavatigit. Aamma isumannaallisaanerup misissornissaa appini ataasiakkaani.
Siunnersuutit toqqaanissamut inissiinissamullu appsini
- Internetbrowserimut allanullu nakkutiginnigit.
- Appit nutaat misissorluaqqaakkit downloadertinnagit.
- Misissoruk meeqqanut immikkut indstillingikkut aaqqitassaqarnersoq imaluunniit kissaatigisamik appimik peqarnersoq.
-
Nalinginnaasunut appinut nakkutiginnigit
Eqqarsaatigiuk meeqqavit enhediani indstillingikkut nalinginnaasut appit unitsinnissai soorlu Safari/Chrome, YouTube, assiliissutaa, mailprogramia allallu.
Oqarasuaatini amerlanerni tabletinilu nalinginnaasut appit iluaneereertarput (soorlu browser aamma assiliivik). Meeqqanut mikinernut namminneerlutik nittartakkamut isersinnaanngitsunut, pisariaqanngilaq browserimut isersinnaanerat, tamatigut meeqqanut naleqquttuunngimmat. Assiliiveqaraluartoq pinnguaralugu nuanneraluartoq, aamma arlaannik ajutuulaarnermik pisoqarsinnaasarpoq.
-
Appit nutaat misissorluaqqaakkit downloadertinnagit
Meeqqat ikioruk spilinik appinillu toqqaannginnissaannik, meeqqannut tulluutinngitsunik. Eqqarsaatigiuk soorlu meeqqavit YouTube pisariaqartippaa Netflix assingisaalu, imaluunniit utaqqisinnaava?
Appip nassuiaataa AppStore/Google Playimi itinerusumik atuakkit downloaderilertinnak imaluunniit pisiaritinnagu.
Paasissutissat pitsaasut:
- AppStore/Google Playimi nassuiarneqartarput ukiunut sorlernut appit tulluunnersut aammalu paasissutissat sorliit appiliortup katersornerai meeqqamut tunngasut enhedimullu tunngasut.
- Atuisut allassimasaat appip nassuiaataani misissussallugit angajoqqaatut eqqumaffissaapput.
- (primært de mest udbredte spil og apps). Googlekkut ujaasinermeri aamma angajoqqaanut najoqqutassaqarpoq (ingammik spilit siammasinnerit appillu).
-
Meeqqanut immikkut indstillingikkut aaqqitassaqarnersoq misissoruk
Meeqqanut tulluanngitsut meerarisannut takutikkusunngikkukkit appini amerlasuuni killilersuisoqarsinnaavoq. Meeqqavit appini, spilini, filminilu naammattoorsinnaavai meeqqanut tulluanngitsut, illit aalajangissavat sumi qaqugulu killilissuinissat.
Appit indstillingiini ataasiakkaani misissorsinnaavat funktionit filtrellu. Misissoruk aamma meeqqanut tulluartunik kissaatigisannik appeqarnersoq (soorlu YouTube Kids eller Spotify Kids), periarfissat imarisaalu meeqqanut tulluarsakkat.