airplanebooksbriefcase business cogs cross election entertainment fish house law lockmedicalpeopleselfservices socialtax

Indstillingikkut isumannaallisaaneq

Assigiinngittarpoq qaqugukkut meeqqat digitalimik atuisinnaanngortarnerat nittartakkami. Aallaqqaammulli isumannaatsuutitsigitsi meeqqat oqarasuaatitaarpat tableterluunniit. Uani tulleriinnik isumannaallisaanermut indstillingimi suut suliarissanerlugit takusinnaavatit. Taamaalillutit meeqqallu toqqissisimasinnaallusi.

Oqarasuaatit angallattakkat arlalinnik funktioninik indstillingiilu neqerooruteqarput, illit meerannut illersuutaasinnaasunik. Tamannali pisariaqarpoq meeqqavit enhediata atuutilernissaanut.

Siunnersuutitsialaat arfineq-pingasut, sorliit isumannaallisaanermut indstillingimi misissoqqaassanerlugit.

Siunnersuutit arfineq-pingasut meeqqavit deviceani

  1. Meeqqamut kontomik pilersitsigit Apple-idmik imaluunniit Google Palyimi.
  2. Familiedelingi enhedinut tamanut ikiguk.
  3. Find/slet-funktioni meeqqavit enhediani ikiguk.
  4. Misissoruk enhedi nammineerluni nutartigassanik installereersartunngortissinnaanerlugu.
  5. Meeqqat ikioruk isissummik nakuamik sananissaa Apple-id/Google Play kontomut.
  6. Automatiskimik enhedip sikkerhedskopeerisarnissaa "qilammut" ikiguk. 
  7. Funktioni “Spørg før køb” ikiguk.
  8. To-trins-godkendelse ikiguk

  1. Apple-id-mik imaluunniit Google Playimik namminerisamik pilersitsigit

    Namminerisassinnik id-mik kontomilluunniit peqarnissarsi pilersissinnaavarsi isumannaallisaanermi indstillingimi, ilinnut meeqqavillu enhediani. Illit id-mik kontomilluunniit pilersitsissaatit imaluunniit Applemi Google Playilluunniit nittartagaani.

  2. Familiedelingi enhedini tamani ikiguk

    IOS-imi (Apple) ateqarpoq funktioni familiedeling, Androidimi (Google) funktioni ateqarpoq “familisamling”. Funktioni taanna ikikkukku qulakkiissavat meeqqavit nammineerluni qamissinnaajunnaarnera. Familiedelingimi aamma imaasiorsinnaavutit:
    • meeqqavit skærmtidia killilersorlugu, namminerlu aalajangerlugu appsit sorliit piffissami sorlermi atorsinnaanerai,
    • blokerersinnaavatit assit videollu tulluanngitsunik imallit appsini browserinilu,
    • appsinik pisinissaat pinngitsoortissinnaavat,
    • meeqqap attaveqaatai sianernissamut, sms-inut allanullu appsinut aqussinnaavatit.

  3. Find/slet-funktioni meeqqavit enhediani ikiguk

    Meeqqavit enhedia tammarpat tillitsippalluunniit find/slet funktioni atorlugu enhedip imai tamaasa igissinnaavatit, meeqqap assii, privatimik allaqatigiinnerit allallu, allap pigisaanut pitinnagit. Nanisinnaavat imaluunniit enhedi peersinnaavat enhedimit allamiit imaluunniit Applesikkut Google Playip nittartagaaniilluunniit.

  4. Misissoruk enhedi nammineerluni nutartigassanik installereersartunngortissinnaanerlugu.

    Amerlasuuni enhedini styresystemi appsillu nalinginnaasumik nutartertittarsinnaapput, kisianni funktioni ikissimanersoq taanna misissoruk. Styresystemi taanna appsillu nutartertanngippata sillimaniarnermi putut takkutissapput, digitalimik peqquserlunniat iserfigisinnaasaannik. Misissoruk indstillingimi enhedi nammineerluni nutartigassanik installereersartunngortissinnaanerlugu.

  5. Meeqqat ikioruk isissummik nakuamik toqqaanissaanut

    Meeqqavit Apple-id-a imaluunniit Google Play-kontoa immikkut isissuteqassaaq. Isissut nakuussaaq digitalikkut peqquserlunnianut illersuutaasinnaasumik. Kingorna meeqqat assigiinngitsuni kontitaassaaq, isissullu qitiusumik illersuutaalluni. Periarfissaqartillutit meeqqat oqaluuguk isissut qanoq isilluni paarilluassaneraa.

  6. Automatiskimik enhedip sikkerhedskopeerisarnissaa ikiguk

    Automatiskemik sikkerhedskopeerisarnissaq ikikkukkut “qilammut” (imaluunniit “cloudimut”), meeqqavit paasissutissanik annaasaqarnissaralua pinngitsoortissinnaavat. Meeqqavit oqarasuaataa tabletialuunniit tammarpat aserorpalluunniit. Hackertippalluunniit peqquserlunnianit parnaarneqarsinnaavoq, taamaasilluni assit videollu attaveqaatinullu paasissutissat tamavimmik annaaneqarlutik. 

    Nalinginnaasumik killilimmik cloud-servicemut atuisinnaasarput, oqarasuaatit tabletilluunniit pisiarigukku (soorlu iCloudimi imaluunniit My Cloudimi). Akeqanngitsumik pigisat datanut inissaqarnerulersitserusukkuit qaammammut akiliisarlutit inissamik pisisinnaavutit.

  7. Funktioni “Spørg før køb” ikiguk 

    "Spørg før køb" ima atuuffeqarpoq ("Godkendelse før køb" Androidimi):

    Meeraq downloadererusulluni appsinilluunniit imaanilluunniit piserusulluni toqqaappat, illit oqarasuaatinnut tabletinnilluunniit apeqqummik nassiussissaaq. Taannalu illit akueralugulu itigartitsissutigisinnaavat oqarasuaatinniit tabletinniilluunniit, imaluunniit meeqqavit enhedianiit aamma. Misissorsinnaavat appeq imaalu suunersut, aalajangiussinnginninni. 
    Siullermik akuerigukku aatsaat downloadersinnaavoq pisiaraluguluunniit.

    "Spørg før køb"-funktionen kræver blot, at du benytter familiedeling/familiesamling. Meeqqavit pisiai downloadengaaluunniit nakkutigikkit "Spørg før køb"-funktioni ikillugu. Funktionip qulakkeertarpaa meeqqavit kontonniit aningaasanik atuinnginnissaa. 

  8. To-trins-godkendelse ikiguk, atorsinnaatillugu

    To-trins-godkendelseqaruit ikissimagukku peqquserlunniat meeqqavit atuinermut atiat isissutaalu iluatsinngitsoorsinnaavaat Snapchatimut TikTokimulluunniit iseriaraluarlutik.

    To-trins-login meeqqannut illersuutaavoq, hackerinut paasissutissanik inummut tunngasunik, isissutinilluunniit pissartinngitsoornissaannut.

Digitalinngortitsinermut Aqutsisoqarfik Postboks 1078 Imaneq 4 3900 Nuuk E-mail: digitalisering@nanoq.gl Oqarasuaat (+299) 34 50 00 CVR-nummer: 39350610

Nanoq_Tekst

Qarasaasianni paasissutissat ilaat atoqqissinnaajumallugit quppernermi matumani cookiet atorneqartarput. Akueriuk annertunerusumilluunniit uani paasisaqarit.