Isissutissap eqqoriaruminaatsuunissaanut periuutsit pingasut:
- Isissutissaq minnerpaamik 15-inik ilisarnaateqartinneqassaaq.
Isissutissap takissusaa unioqqutitsilluni isernianut (hackere) eqqoriaruminaatsuunissaa pingaaruteqartorujussuuvoq. Innersuussutigineqartarpoq isissutissaq naqinnernik mikisunik angisuunillu ilaqartinneqassasoq, kisitsisinik ilisarnaatinillu akoqarluni, minnerpaamillu 15-inik naqinneqassalluni. - Isissutissaq allanit assigineqassanngilaq arlaleriarlunilu atorneqassanani
Amerlasuut isissutitik sullissivinnut assigiinngitsunut atoqattaartarpaat, suliffimminni angerlarsimaffimminnilu. Isissutissanik assigiiaartitsineq unioqqutitsilluni isernianut (hackere) systeminut arlalinnut isersinnaalersitsisarpoq, isertaat arlaatigut annaaneqartoorsimatillugu. Taamaattumik isertaatit immikkuullarissuusariaqarpoq. - Marloqiusanik isertaateqarneq atoruk (to-faktor login)
Marloqiusamik isertaateqarninni digitalimik angalaarnerit isumannaanerulersittarpaa. Qarasaasiannut isissutissat allariarlugu, smartphonennik iserniarnerit akuerigaangakku imaluunniit sms-ikkut nassiunneqartoq kode atorneragut.
Sullissivinni digitaliusuni marloqiusamik isertaateqarneq nammineerlutit atulertissinnaavat. Nittartakkap qanoq atornissaanut ilitsersuunneqarsinnaavutit imaluunniit indstillingikkut sikkerhed ataani aaqqissuussinnaavat. Marloqiusamik isertarneq suliffivit systemiinut iserniartillutit atortarsinnaavat, assersuutigalugu angerlarsimatillutit sulininni marloqiusamik isersinnaavutit.