Kikkut tamarmik atorsinnaasaanni ledningeqanngitsuni attaveqaatini atuingaagavit neriniartarfinni, konferencemi imaluunniit mittarfimmi, aarlerinartorsiorputit peqquserlunniat sunersutit malinnaasinnaammata. Taamaattumik pingaaruteqarpoq imminut illersornissat, ledningeqanngitsuni attaveqaatini isersimaninni.
Kikkut tamarmik atorsinnaasaanni ledningeqanngitsuni attaveqaatini, isissutissamik pisariaqartitsiffiunngisuni imminut illersorsinnaanngilatit. Isumaqarpoq digitalikkut peqquserlunniat paasissutissaatitit, nassiussatit tigusatillu nalaattornermi paasissutissat ilinnut tunngasunik imaqarsinnaasut takusinnaavaat.
Anersaartorit - ledningeqanngitsunut attaveqaatinut isertinnak
Mittarfimmiikkaluaruit imaluunniit nunani allani internetimullu attavik pisariaqartillugu, taava siunnersuutitsiliaavoq: Anersaartorluaqqaarit kikkut tamarmik ledningeqanngitsunut attaveqaatigisinnaasaannut isertinnak.
Eqqumaffigiuk attaveqaat sorleq iserfiginerlugu. Ledningeqanngitsoq attaveqaat ajorpasinngitsutut isikkulik, digitalikkut peqquseerlunnianit ilusilersungaasinnaavoq tillinniarlugit paasissutissat ilinnut tunngasut.
Allanik attaveqaatinik isumannaannerusunik atugassaqanngikkuit, taava allat paasisariaqanngisaannik attaveqaatikkut nassiussinaveersaarit. Ima isumaqarpoq log ind-erlutit taavalu isissutit allallugu nittartakkanut assigiinngitsunut, Messengerikkulluunniit nammineq privatimik allanneq pinaveersaartiguk. Nalunaarutilluunniit sms-ikkut nassiussat oqarasuaatit aqqutigalugu, ilaatigut datanik nassiussisoqarsinnaasarpoq ledningeqanngitsunut attaveqaatikkut, mobiilivit attaveqaataa aqqutigalugu.
Sooruna pingaaruteqartoq?
Digitalikkut peqquserlunniat ledningeqanngitsumik attaveqaatit ammasut marsersimappatigit, ajornanngitsumik isissutinik, nalunaarutinik allanillu pissarsisinnaapput, illit qarasaasianniit imaluunniit oqarasuaativit angallattakkap nassiussaaniit. Taamaalillutik illit digitalikkut privatimik inuuninnut isersinnaanngorsinnaassagamik.
Oqarasuaativit dataa atoruk internetdelingi aqqutigalugu
Illit oqarasuaatit angallattakkat attaveqarpat internetimut attaveqalersitsisinnaavoq qarasaasiamut imaluunniit tabletimut, taamaasillutit kikkut tamarmik ledningeqanngitsumik attaveqaatigisinnaasaat atunngitsoorsinnaavat. Internetdelingip pilersittarpaa oqarasuaativit angallattakkap nammineerluni ledningeqanngitsumik attaveqalersinnaaneq, allat aamma iserfigisinnaasaat internetimillu atuiffigalugu. Taamaattumik attaveqaatinnut isissummik nakuusumik peqarnissat pingaaruteqarpoq.
Sooruna pingaaruteqartoq?
Internetdelingi atorukku oqarasuaativit angallattakkap aamma qarasaasiakkut/tabletikkulluunniit, digitalimik peqquserlunniat illit paasissutissaativit pissarsiarinissaat ajornakusoorninngortittarpaa. Taamaattumik qarasaasiat aamma tabletip datatrafikkia isumannaatsuuvoq oqarasuaativit angallattakkap trafikkiatulli. Piumasaqaataavorli illersornissai nutaat, attaveqaatit atorneqarnissaanut nakuusumik passwordeqarnissaat. Taamaanngippat peqquserlunniat attaveqaativit atorneqarnissaanut ammaassinnaangakkit.
Ledningeqanngitsut attaveqaatit atoreerukkit, oqarasuaatinniit peernissai eqqaamassavat
Ledningeqanngitsuni attaveqaatini isersimareersimaguit, oqarasuaativit angallattakkat attaveqaat taanna nalunaarsoreersimasarpaa, tullianilu atoqqissinnaasarlugu. Atuereersimatillutit sapinngisamik oqarasuaatinni imaluunniit qarasaasianniluunniit atoreerukku puigornissaa piumasarisinnaavat.
Sooruna pingaaruteqartoq?
Attaveqaatit atorsimasatit peerukkit, oqarasuaativit angallattakkap nalinginnaasumik attaveqaammut ikkunnissaa, tulliani cafemut iseruit, mittarfimmut assingisaanulluunniit attavininnissaraluit pinaveersaartissavaa. Nalinginnaasumik ingerlaannartumillu attavinittaateqartikkukku, taama sianiginngisannik paasissutissanik allat paasisariaqanngisaannik nassiussisoorsinnaanerit eqqumaffiginngitsoorsinnaavat.
Ledningeqanngitsuni attaveqaatini atuerusukkuit, siunnersuutissat allat marluk atorsinnaasatit ukuupput:
- VPN-programi atoruk internetimut isumannaannerusumut attaveqaateqassaguit.
- Nammineq angerlarsimaffinni ledningeqanngitsumut attaveqaatit isumannaaruk.
VPN-programi atoruk internetimut isumannaannerusumut attaveqaateqassaguit
VPN-programip isumannaatsumik pilersitsisarpoq qarasaasianniit, oqarasuaat angallattakkanniit imaluunniit tabletimiit internetimik atuigaangavit. VPN-i naalisangaavoq uanngaanniit Virtual Private Network, pilersitaallunilu toqqoqqatinnissannut internetimi.
VPN qarasaasianni programiussaaq emaluunniit oqarasuaatinni app-itut. Ilai akeqanngitsuupput, allallu akeqarlutik. Nioqqutissat assigiinngitsut nittartakkami nassaarisinnaavatit, soorlu aamma atorneqarsimanerinut naliliinerit, assersuussinerit misileraanerillu nassaarisinnaagitit. Programi app-erluunniit ilinnut tulluuttoq nassaariuk, atortarullu ledningeqanngitsuni attaveqaatini ammasunik atuininni.
Sooruna siunnersuutitsialaasoq?
VPN-programip atorukku programmip pilersittarpaa “sullorsuaq” paasiuminaallisaasoq internetip aqqutaanik qarasaasiannut, oqarasuaat angallattakkamut tabletimulluunniit serverillu iserfigisannut. Datat nassiussatit paasiuminaallisitsisut digitalikkut peqquserlunnianit atuaruminaatsuupput, passutilissagaluarpatigilluunniit. Attaveqaat isertortuuvoq, taamaasilluni peqquserlunnianit nassaariuminaatsuulluni suna arlaat datanik nassiussisoq atorsimanerit, nunarsuami sumiikkaluaruilluunniit, paasineqarnaviarani.
Nammineq angerlarsimaffinni ledningiqanngitsumut attaveqaatit isumannaaruk
Illit nammineerlutit ledningeqanngitsumik attaveqaruit, nammineerlutit ullormut nittartakkamik atuinerit sillimaffigisariaqarpat. Isumannaallisaanermi arlaatigut putoqarpat, peqquserlunniat ajornanngitsuaqqamik paasissutissanik ilinnut tunngasut iserfigeriaannaavaat.