Pitsaassutsimi standardit - Qarasaasiatigut suliat paasissutissallu illersorneqarnissaat pillugu iliuusissatut sakkussaq
Ullutsinni suliffeqarfinni amerlasuuni qarasaasiatigut suliat paasissutissallu illersorneqarnissaat pillugu inuiaqatigiinni digitaliusuni nalinginnaasunngornikuuvoq. Taamaattumillu suliffeqarfiit assigiinngitsunik suleriuseqartitilersimapput. Standardinik (Nalinginnaasumik pitsaassuseqarneq) akuerisatut isumassarsiorfigineqartarpoq nunarsuarmi sulianut ilisimasaqarluartunit tusindtilikkaanit misilittaanikkut ineriartortinneqarsimammata.
Indhold
Qarasaasiatigut suliat paasissutissallu illersorneqarnissaat pillugu standardimik (Nalinginnaasumik) pitsaassuseqarneq
Pitsaassutsini stadardeqalertarneq assigiimmik paasinninnissamut tunngavissaasarpoq. Qarasaasiatigut paasissutissallu illersorneqarnissaat pillugu standardeqarnissaq pisariaqarput. Suliffeqarfiit standardinik tunngaveqartartut misilittarluarneqarnikunik eqqarsaatigilluarneqarsimasunillu aallavissaqarluartarput. Taamaalillutik qarasaasiatigut paasissutissanillu illersuinissamut periusissanik eqqarsarnerminni suna tamaat naqqaniit aallartittariaqanngilaat.
Standard (Nalinginnaasut) ilaatigut aallartissutiginissaat nangiarineqakkajupput, suliffeqarfiit isumaqartaramik standardinik malinnikkunit uppernarsaaqqaartariaqarlutik. Tamannali kukkuneruvoq. Standardinik atuineq isumassarsiorfiinnnartut atorneqarsinnaavoq, suliffeqarfiullu nammineq standardini sukkut atuiguni iluarnerunersoq aaliangersinnaavaa. Soorunalimi suliffeqarfiup akuersissutilinnik atuinissani kissaatigisinnaavaa, tamannali piumasaqaataanngilaq.
Standardit atorneqarnissaat nammineq aaliangigassaavoq, pisiniartartunilli sullissaqarnermi suleqatigiiffigisaqaraanniluunniit suliffeqarfinnik allanik, ilaatigut standardit atorneqarnissaannik piumasaqaateqartoqarsinnaavoq imaluunniit akuersissutilinnik atuinissaq piumasaqaataasinnaalluni.
Standardinik atuinermi nali
Sooq nammineq piumassutsimik standardinik atuisoqassava? Suliffeqarfippassuit assigiinngitsunik tunngaveqarlutik standardinik atuisarput. Tamanilli stadardinik toqqaasarnermik pissutaavoq, suliffeqarfiit qarasaasiatigut sillimaniarneq paasissutissallu illersorneqarnissaannik misilittarluarneqarsimasunik akuerisaasunillu atortoqarnissartik kissaatigisarmassuk. Tamakkua saniatigut suliffeqarfiit standardinik atortoqarusuttarnerat makkuninnga tunngaveqarsinnaasarput:
Suliffeqarfiit qarasaasiatigut sillimaniarneq paasissutissallu illersorneqarnissaannik atortussiat standardiusut taakkuusarput nunanit tamalaanit ataatsimut akuerisaallutik isumaqatigiissutigisimasat
Standardinik atuinissaq niuerfinnit piumasaqaataasinnaavoq, soorlu suleqatigisamit sullitamilluunniit
Standardinik atuinermi suliniuteqarfiit suliffeqarfiit qarasaasiatigut sillimaniarneq paasissutissallu illersorneqarnissaannik aallartisaanissaminnut naqqaniit aallartinnginnissaannut ikiuutaasarput
Standardinik atuinerit suliffeqarfiit unammillersinnaassusaat nukittorsarsinnaasarpaa
Standardinik atuinerit sulinerup ingerlariusaanik uppernarsaatitut atorneqarsinnaasarput
Standardinik atuinerit inatsisinik malitsisutut qulakkeerinnissutaasinnaapput soorlu tunisassianut pilersuisunit assigisaannillu
Standardinik atuinerit suliffeqarfiup tatigineqarnissaanut iluaqutaasinnaapput
Standardinik atuinerit pitsaassusermik naqissusiinertut atorneqarsinnaapput