IoT:Suliffeqarfiup atortui internetimut atassutillit mianerisigit

Eksempler på IoT-enheder:

• Nakkutilliissutit

• Pumpit

• Termostait

• Varmesensorer

• Printerit

• … allarpassuillu internetikkut oqarasuaatikkullu aqunneqarsinnaasut

IoT-enhed sunaana?

IoT Internet Of Thingsimut naalisaataavoq. Tassaappullu atortorissaarutit systemillu internet aqqutigalugu atassuteqarnermikkut paasissutissanik nassiussuillutillu tigoqqaanermikkut atorneqarsinnaasut. Suliffeqarfiit IoT-enhedit atorlugit allaffitsik alaatsinaassinnaavaat, allaffiup kiassusaa aqussinnaavaat, imaluunniit atortut qaqugu passunneqarnissaminnut atorfissaqartitsissanersut alaatsinaassinnaavaat. IoT atorlugu suliassarpassuit ajornaallisarput niuernikkullu periarfissat nutaat allaanerillu periarfissaalerlutik. Atortorissaarutillu akikilligaluttuinnarnerini suliffeqarfiit amerlanerusut tamakkuninnga atuinerulernissaat naatsorsuutigisariaqarpoq.

IoT-enheder hackerneqarsinnaapput

Suliffeqarfippassuit sillimaffigineq ajorpaat imaluunniit ilisimaneq ajorpaat IoT-enhed aqqutigalugu imminnut allanullu sillimaniarnerinut akornutaasinnaaneri. IoT-it atortuinnartut isigisarpaat, puigortarlugulu internetimut attaveqartut taamaalillutillu hackerneqarsinnaasut. Hackerit IoT-enhedit isumannaallisarluarsimannginneri atorluarlugit suliffeqarfiit qarasaasiatigut aqutsiviinut isersinnaapput. Taamaalisoqarpat tunisassiorneq unissinnaavoq, imaluunniit IT-kkut pinerlunniat aningaaserivimmit paasissutissat allanit paasineqaqqusaanngitsut iserfigisinnaavaat.

IoT eqqaamassutissaq SMV-nut

Atortorissaarutinut internetikkut atassutilinnik pisinnginnermi pisereernermilu eqqaamasassat: 
IoT-suliffeqarfinnut eqqaamassutissaq pisinnginnermi:

1. Atortorissaarutip pisiarinnginnerani internetimut attavilernissaq pisariaqarnersoq nalilersoruk
   Internetimut attavilimmik atortorissaarutitaarnerit tamaasa suliffeqarfik saassunneqarnissamut periarfissamik ammaasarpoq. Taamaattumik atortorissaarup atornissaanut iluaqutissat ajoqutissallu eqqarsaatigineqartariaqarput.

2. Pitsaassuseq sillimanerlu pingaartikkit
   Atortorissaarutit akuerineqartut minnerpaamillu pitsaassusillit akuersissutillit ilisarnaatillillu toqqakkit.

3. IT-mik pilersuisoq oqaloqatigiuk makkulu apeqqutigikkit:

   1. Isertaatit: Isertaatit nammineq sananeqarsinnaappat aamma eqqoriaruminaatsuuppat? Isertaatit takusinnaanngikkaanni tunisassiortup sillimaniarneq pingaartitarisimanngilaa.

   2. Nutarterisarneq: Atortorissaarut nutarterneqarsinnaava aamma tunisassiortoq nutarterissamaarpa? Mianersorfissanik nutaanik takkuttoqartuaannarpoq, atortorissaarullu nutarterneqarsinnaanngikkuni sillimaniarneq eqqarsaatigalugu sanngiiffeqalersinnaavoq ajoqusiisumik. Atortorissaarusiortoq nutarterinissamik neriorsuuteqarpa?

   3. Data: Atorturissaarut datanik katersisarpa, aammalu suliffeqarfimmiit datanik anissuisinnaava? Atortorissaarutip datap qanoq ittut katersornerai eqqumaffigikkit. Datat katersorneqartut allanit paasineqartussaanngippata pingaaruteqarluinnarpoq paasissallugu sumut toqqorterneqarnersut

   4. Paasiuminaallisaaneq:  Datat qanoq toqqorterneqarnersut qanorlu sumullu nassiussuunneqartapat? Datat paasiuminaallisarneqaqqaarlutik toqqorterneqarsimanngikkunik tillinneqarnissaat ajornaannerusarpoq, suliffeqarfimmullu innarliisussanngorlugit atorneqarsinnaallutik. Isissutissat allallu datat atortorissaarutip iserfigisinnaasai pineqarput.

4. Atortorissaarut pisiariniarnerlugu aaliangerit
   IT-mik pilersuisoq oqaloqatigereerukku nalilersuigit. Ajutoorfiusinnaasut periarfissaasinnaasullu IoT-enhed pillugu paasivisigit, aammalu suliffeqarfissi sillimaniarnermi mianersorfissatut killigititaasa iluaniippisien?