Siunnersuut 2: Programmit ataavartumik nutartertakkit
IT aqqutigalugu pinerliiniat qarasaasiat programmiisa sanngeequtaanik ujaasiuartarput, suliffeqarfinnut saassussisinnaanissaminnut atugassaminnik. Akulikitsumik nutarterisarussi sanngeequtit annikillisarsinnaavasi imaluunniit pinngitsoortissinnaavasi. Eqqaamalluguli tamanna sillimaniarnermut amigartumut illersuutaanngimmat. Sillimaniarneq amigartut ukuusinnaapput: Programmit kukkullugit ikkutat, isissutissat ingerlaqqiffiusussat pitsaanngitsut (password), assigisaalluunniit.
Imarisaa
Nutarterikulanissamut siunnersuutit
1. Akisussaasussamik taasigitsi
Suliffeqarfissinni systemit nutarterneqartarnissaanut akisussaasoqaleritsi. IT-mik suliaqartartumut programminik nutarterisartussatut suliakkiussissagussi, qulakkiissavarsi systemit atukkasi nutarterneqartuarnissai. Siunnersuut 7-imi IT-mut suliaqartartunut piumasaqaatigisinnaasasi pillugit sakkussanik siunnersuutinillu atuarsinnaavusi.
2. Nammineq isumaminnik nutarterisartut ikkussortissigit
Programmerpassuit namminneq isummaminnik nutartertuartussanngorlugit inissinneqarsinnaasarput. Nammineq isumaminnik nutartersinnaappata taanna toqqarsiuk.
Nammineq isumaminik nutarterisartup ajunngitsumik ingerlanersoq misilittaqqaarnissaa eqqaamagiuk.
3. Programmit tamaasa nutartikkit
IT-kkut atortussiat tamarmik nutartigassaasarput. IT-mik pilersuisup nutarteqqusissutit nassiunniariaraangatigit nutarterisarit. Arlaannik peqquteqarnersumik atortussiaatissinnik pilersuisorsi atorunnaarsimappat taartissaanik nutarsakkamik pisaarnissarsi isumaliuutersuutigisariaqarparsi.
4. Nutarterikulagit
Nutarterikulasarit. Systemit ilaat namminneq isummaminnik nutartertarput, ilaalli toqqaqqaarlugit nutarterisarput. IT-mik kiffartuussisorsi tusarniarsiuk systemissi nutartertuaannarnissaat qanoq qulakkeerneqassanersoq.