Siunnersuut 1: Datat systemillu pingaarutillit pillugit
Suliffeqarfiit amerlanersaat datanik systeminillu aaliangersimasunik ulluinnarni ingerlatsinermi atortakkaminnik peqarput. Taakkorpiaappullu IT aqqutigalugu pinerlunniartartunit atornerlunneqarsinnaasut.
Ulluinnarni paasissutissat pingaarutillit systemillu aaliangersimasut suliffeqarfinni suut pingaarnerpaanersut inissitsiteraanni, saassunneqarnermi suut immikkut illersorneqarnissaat, qulakkeerneqarnissaat, pingaaruteqarnerilu eqqumaffigineqarnerulersinnaapput.
Imarisaa
IT-kkut systeminit ikorfartuutinillu digitaliusunit suleriutsigut ikiorserneqarneruleraluttuinnarput. Suliffeqarfippassuit ulluinnarni IT-qarnikkut pituttorsimasutut isiginngikkaluakkalluunniit, systemimikkut qamittoornikkut, kukkuluttortoqarnikkut, aserortoornermilluunniit nalaanneqaraangamik saassunneqarangaamilluunniit, ingerlaniarnerminni kipiluttunartorsiortarput.
Datat (Paasissutissat pingaarutillit) aammalu Systemit (suleriutsit) suuppat?
Suliffeqarfinni tamarmik assigiinngitsuupput, paasissutissanillu passussisarnerit assigiinngiiaartuullutik. Suliffeqarfiit datat pingaarutillit kiisalu IT-mik systemii makkuusinnaapput:
Datat aammalu IT-mik systemit tunisassiornermut ingerlatsinermut qitiusut
Sullitanut paasissutissat datallu digitaliusut, suliffeqarfiup datanik paasissutissaataasivianiittut
Datat paasissutissat inummut tunngassutillit
Suliffeqarfimmit avammut nalunaarutigineqaqqusaanngitsut, malitassat piginnittutuaatitsissutillu
Aningaasaqarnermut kisitsisit pingaarutillit akilersuititsinermullu periusissiat
Tunisassiornermut paasissutissat
Suliffeqarfiup paasissutissatai pingaarutillit tamaasa ilisimalikkit
Suliffeqarfiup IT-kkut aaqqissugaaneranik paasissutissanillu ilisimasallit oqaloqatigineqarnissaat innersuussutigineqarpoq, ass. systemissinnik inerisaasimasut akisussaasuusulluunniit attavigisigit. Systemit IT-mut tunngasut datanullu tunngasut suut ernumanaateqarnerpaanersut aaliangiiffigisinnaavasi, iliuuserineqartullu naammannersut misissorlugu. IT-lerisumik avataaneersumik atuigussi taanna ilanngullugu suleqatiserisiuk.