Suliffitsinniikkaangatta nalinginnaasorisarparput allat it-kkut isumanaallisaasoralugit. Kisiannili angerlarsimaffitsinniikkaangatta nammineq isumannaallisaaneq isumagisarlugu. Misissoruk angerlarsimaffinni sulinerit qanoq isumannaatsuutissinnaanerlugu.
Digitalikkut peqquserlunniat ataasiinnarmik iserfeqartarput innarliiniarlutik imaluunniit suliffeqarfiup attaveqaataa tiguarniarlugu - soorlu ransomwaremit taaneqartartumit ikiorneqarlutik, peqquserlunniat suliffeqarfik susinnaajunnaartillugu paasissutissallu tamaasa parnaarlugit - ammaqqissagaannilu aningaasat pisariaqartinneqartarput.
Illit suleqatitillu angerlarsimaffissinni sulingaagassi, isumannaallisaaneq suliffinnituulli annertutigineq ajorpoq, tamanna peqquserlunniat naluneq ajorpaat. Taamaattumik pingaaruteqarpoq isumannaallisaanerup qaffasissumiitinnissaa aamma sulinerit angerlarsimaffimmi pigaluarpat.
Isumannaallisaanermut malittarisassat suliffinni atuuttut angerlarsimaffinni aamma malikkit
Angerlarsimallutit sulingaagavit, isumannaallisaanermut malittarisassat suliffinnitulli malittassavatit. Sulisitsisuit programit aalajangersimasut kisiisa atoqquppagit, sulillutit qarasaasianni, taakkuussapput taamaallaat atugassatit. Suliffiit inatsiseqarpa privatimik mailitit inuit attaveqatigiittarfiilu suliffinni qarasaasiami atussanngikkitit, imaluunniit fil-inik qarasaasiamut toqqungaqaruit, angerlarsimaffinni aamma tamanna atuuppoq.
Nalornissuteqaruit inatsisit pillugit, sorliillu programmit virtuellemik ataatsimiinnermi atussallugit (soorlu Microsoft Teams, Skype imaluunniit Zoom), taava sulisitsisut aperiuk.
Sooruna pingaaruteqartoq?
Inatsisit ulluinnarni atortut, suliffeqarfinnut illersuisuupput hackingimut aamma virusinik saassussinermut. Suliffinni qarasaasiat isumannaallisaanermut malittarisassanik atuinera annikippat, peqquserlunnianit iseruminarsisinnaavoq suliffeqarfiullu attaveqaataanut paasissutissaataanullu - atassuteqarninni imaluunniit suliffunnut qarasaasiat nassarlugu uteruit.
Misissoruk ledningeqanngitsumik attaveqaatit isumannaatsuunersoq
Angerlarsimallutit sulitillutit suliffinni qarasaasiat ledningeqanngitsumik attaveqaatinnut atassusertarpat internetimut suliffivillu attaveqaataanut attaveqassaguit. Taamaattumik misissortariaqarpat internetivit routeria ledningeqanngitsumik attavinnut nukittuumik isissuteqarnersoq, isumannaallisaanermilu nutartigassaqarnersoq, firewallillu ikumanersoq i.i.
Ilanngullugu aamma misissortariaqarpat enhedit allat attaveqaatinni nutartersimanersut isumannaannersullu. Illit ilaquttavillu namminneq pigisaat qarasaasiat, oqarasuaatit angallattakkat, iPadsit allallu “smartit” enhedit, angerlarsimaffinni pigisatit. Ingammik nutaaliat atortorissaarutit eqqarsaatigeqqissaartariaqarpatit, inissisimaffimminni tusarnaarlutik immiussisinnaanersut, allat paasisariaqanngisaannik sulisitsisullu oqaloqatigiinnissinni.
Sooruna pingaaruteqartoq?
Ledningeqanngitsumik attaveqaatit naammanginanngitsumik isumannaallisarsimanngippat - imaluunniit enhedit ataasiakkaat isumannaappata - digitalimik peqquserlunniat ajornanngitsumik iserfigisinnaavaat. Isersinnaanngorunillu attaveqaatinnut, ajornanngitsunnguamik aamma suliffinni qarasaasiannut isersinnaalissapput.
Kikkut tamarmik atorsinnaasaat ledningeqanngitsut attaveqaatit angerlarsimallutit sulininni atussanngilatit
Cafémi imaluunniit kikkut tamarmik ornigarfigisaanni sillimaffigiuk sorliit ledningeqanngitsunik attaveqaatillit interneteqarnissamut iserfigissanerlugit. Kikkut tamarmik atorsinnaasaanni ledningeqanngitsumik attaveqaatit, piumasaqaatitaqanngillat isissuteqaqqaarluni iserfiginissaanik (aamma taaneqartartut ammasut attaveqaatit), illersunngilaatsit. Taamaattumik oqarasuaativit angallattakkap internetdelingia atorlugu sulillutit qarasaasiannut attaveqalersississavat.
Sulillutit qarasaasianni Bluetoothiata qaminnissaa isumagissavat, aamma taanna digitalikkut peqquserlunnianit pilerigineqarsinnaammat.
Sooruna pingaaruteqartoq?
Kikkut tamarmik orniguffigisinnaasaat ledningeqanngitsumik attaveqaat, isissuteqartariaqanngitsumik atorneqarsinnaasoq isumannaatsuunngilaq. Isumaqarpoq digitalimik peqquserlunniat paasissutittat nassiussatit tigusatillu takusinnaagaat ilimanarmat. Imaappoq ilimanaatillit illit nammineq paasissutissaatitit aamma paasissutissat sulisitsisunnut pingaaruteqartut.
Suliffinni qarasaasiat nutartertaruk
Suliffeqarfiit amerlanerit qarasaasiaminni nalinginnaasumik namminerlu installerertartunik isumannaallisaanermut nutarterisarput ingerlaannaq takkuttoqartillugu. Kisianni angerlarsimaffinni sulitillutit, ilimanaateqanngilaq nammineerluni isumannaallisaanermut nutarterinerup atornera isumaqatigiissutaasumit.
Sulisitsisut aperiuk arlaatigut illit immikkut isumanaassanerlugu sulininni qarasaasiavit taassumalu programmiinik ataavartumik nutarterissanerlutit. Soorlu ullut tamaasa genstartissanersoq qarasaasiaq.
Sooruna pingaaruteqartoq?
Sulinermi qarasaasiap styrestystemia programmiilu ataavartumik nutartertanngippata, iserfigiuminarsissaaq digitalimik peqquserlunnianit. Sulinermi qarasaasiat peqquserlunniat isaaffittut atorsinnaavaat. Taamaasillutik illit privatimik ilinnullu tunngasut paasissutissaatitit passussinnaanngorlugit.
Angerlarsimaffinni pigisanik isumannaallisaaneq toqqissisimanerlu nakkutigikkit
Sulillutit qarasaasiavit paarilluarnissaa isumannaatsuunissaalu, attuumassuteqanngitsut iserfigissanngikkaat allakkiallu angerlaassimasatit allanit takuneqannginnissaat pingaaruteqarpoq.
Qarasaasiap qimannerani parnaarnissaa imaluunniit anillatsikkallartarnissaa isumagiuk - ingammik inunnik allanik isersimaqateqartillutit. Angerlarsimaffiillu parnaarluartarnissaa eqqaamajuk, qimakkaangakku. Allakkianik paarisaqaruit, paasissutissanik allat paasisariaqanngisaannik imaqartunik, taakkua aamma toqqornissai eqqaamassavat, angerlarsimaffinnit anitillutit. Paasissutissat allat paasisariaqanngisaannik imalinnik, eqqaavimmut nalinginnaasumut allat naneriaannaasaannut igitsinngisaannarit.
Sooruna pingaaruteqartoq?
Immaqa ingasaginarsinnaavoq parnaarsisarneq imaluunniit suut tamaviisa poortortarneri, angerlarsimaffimmit aninermi. Kisianni qarasaasiat tillinnianit pilerinartooreerput, aamma sulinermi qarasaasiaq pilerinartuuvoq suliffeqarfiup attaveqaataanut isersinnaanngornissamut naleqarneruvoq, digitalikkut peqquserlunnianit.
Eqqumaffigikkit saaffiginnissutit ilumuunngitsut mailini, sms-ini sianerfigitinnernilu
Ukiut tamaasa sulinngiffeqartoqarnerani takusarparput qaffattartoq saaffiginnissutit ilumuunngitsut pisarlugit, digitalikkut peqquserlunniat uukapaatitsiniartarneri suliffeqarfinnut, sulisunullu allat paasisariaqanngisaannik nassiussinissaannik imaluunniit aningaasanik nuussinissaannik piumaffiginnittunik. Tamanna peqquserlunniarsaraluni misiliineq annertusiartorpoq piffissani angerlarsimalluta sulileraangatta, peqquserlunniat naluneq ajorpaat, taamaasinikkut paatsooqatigiinnerit pisartut.
Sooruna pingaaruteqartoq?
Peqquserlunniat atornerluttarpaat sukkasuumik allaffiup iluani allaffiillu torsuusaanni qanimut oqaloqatigiinnerit ingerlanneqaraangat, angerlarsimallutaluunniit sulingaagatta. Sulisut akornanni oqaloqatigiinneq qanimullu attaveqatigiinneq annikinnerulerpat peqquserlunniarneq ajornannginnerulissaat paasisaanissarlu ajornarnerulerluni. Tamanna peqquserlunniat atornerlussinnaavaat suliffeqarfiullu aningaasaataanik paasissutissaataanillu salloqittaaffigalugit.