Silassorissuusiat iluaqutigalugit oqartussaasunit suliffeqarfinniillu suliat sukkanerusumik eqaannerusumillu suliarineqarsinnaapput. Kukkusumilli eqqarsarluarsimanngitsumillu atuisimagaanni paasissutissanik imaluunnit inuit ataasiakkaat paasissutissaataannik mianersuutassanik annaasaqartoqarsinnaavoq.
Suliffeqarfittut oqartussaaffittulluunniit silassorissuusianik atuinissamut sulisunut maleruaqqusaliortoqarsinnaavoq. Tassani atuarneqarsinnaassaaq sulisoq silassorissuusiamik ikiorteqarluni sulinermini susinnaanersoq susinnaannginnersorluunniit. Taamaalilluni sulisoq malitassaqarnermigut paasissutissanik annaasaqartoqarnissaa millisaaqataaffigisinnaavaa. Silassorissuusiaq ikiorsiullugu malitassaasinnaasut ataani atuarneqarsinnaapput:
-
Paasissutissat eqqortuunerinik misissuineq: Silassorissuusiaq kukkusinnaavoq
Silassorissuusiamik ikiorteqarneq iluaqutaasinnaavoq imaritinneqartulli: - Kukkuneqarsinnaapput eqqornatillu
- Pisoqalisimasinnaapput
- Siumut isummereersimasinnaapput (soorlu suiaassuseq aallaavigalugu, suminngaanneerfik imal. Innarluuteqarneq)
- Uppernarpalaartumik oqaasertalerneqarsimasut ilumooratillu eqqortuunngitsut.
- Suliamut tunngasut eqqortuunerisa qulakkeerneqarnissat (Silassorissuusiaq ikiuutitut atorneqassasoq, pingaarnertut atorneqarani)
- Oqaatsit atorneqartut pitsaassusaatigut nalilersorlugit
Silassorissuusiat programmeerinermi atorsimagaanni, qulakkeerneqartariaqarpoq paasissutissat tunniussai ajortumik isumalimmik atorneqannginnissaannik kinguneqannginnissai.
Peqqinnissamut, inatsiseqarnermut, aningaasaqarnermut allatulluunniit pisortat ingerlataanneersunut silassorissuusiaq atorlugu suliaqarsimaguit, paasissutissat eqqortuuneri misissoqqissaakkit.
Silassorissuusiap paasissutissat tunniussaasa aallaavii piumasaqaatigisakkit, paasissutissat eqqortuuneri misissorsinnaajumallugu.
Paasissutissiiviit assigiinngitsut ujartuiffigisakkit, silassorissuusiap paasissutissat tunniussai ilumoornersut qulakkeerniarlugit kiisalu tutsuiginarnersut. Assersuutigalugu oqartussaasunit allaaserisat, ilisimatusarfinniit allaniillu tusagassiivinnik tutsuiginartuneersut aqqutigisakkit. -
Silassorissuusiamut paasissutissat mianernartunik ikkussuinak.
Silassorissuusiat inuit tamarmik atorsinnaasaat nalinginnaasumik atuisut paasissutissataannik immiussaminnik sakkoqartarput. Amerlasuutigut paasissutissat silassorissuusianut misileraaffittut sungiusaatitullu atorneqartarput. Taamaattumillu pisiortorfiit sorpassuarnut isersinnaatitaasarput.
Taamattumillu paasissutissat inunnut ataasiakkaanut tunngasutillit, paasissutissat allanut paasissussiissutineqaqqusaanngitsut, isertuussat, suliffeqarfimmilu suleriutsinut tunngassutillit silassorissuusiamut tunniunneqanngisaannartariaqarput. Aatsaallu silassorissuusiaq ikiortitut akuerisaasimappat, pasissutissanillu passussinermut isumaqatigiissusiorfigineqarsimappat kiffartuussivittullu atorneqarnissaminut akuerisaasimapput taamaaliortoqarsinnaalluni. -
Silassorissuusiaq maskiina atorlugu aaliangiisartoq
Silassorissuusiaq kisiat atorlugu sulianik (sagsbehandling) imaluunniit naammagittaalliuutinik aaliangiinernut atorneqarnissaa innersuutiginanngilaq. Tamakkua pisortaqarfinniit taamaallaat suliarineqassapput. Tamakkua makkuninnga tunngavilersorneqarput: - Silassorissuusiat aaliangiinerminnut kikkut tamarmik takusinnaasaannik, paasiniaaffigisinnaasaannillu tunngavilersuisimanerat uppernasaatissaqanngillat
- Silassorissuusiat paasissutissanik assigiinngitsunik katiterinerminni datanik uniuillutik aallersimasinnaapput
- Aaliangiussatut saqqummiunneqartut inuit ataasiakkaat paasissutissaataannik imaqarsinnaapput
- Pineqartunut tamanut aarlerinaateqarsinnaasunik uppernarsaasinnaaneq
- Paasissutissanut suliamut allanut tunngassuteqartunut akuleruttuuisinnaanermut teknikkikkut isumannaarsorsimanissaq
- Innuttaasunut oqartussanullu silassorissuusiap atorneqarnera pillugu paasissutissanik tamakkiisunik saqqummiussisarnerit
- Suliamik ilisimasalimmit aaliangerneq nakkutigineqarlunilu suliarineqassaaq
-
Ajuallaataasinnaasunik unioqqutitsinernillu imaqassanngilaq
Sulisoq ilisimatinneqassaaq sulinermi atortussiat sunut atorneqannginnissaat. Uani Digitalinngortitsinermut Aqutsisoqarfiup suliffeqarfinnut innersuussutai atuarsinnaavatit:- Uumissuinernik, immikkoortitsinernik, ajuallannartunillu imaqannginnissai
- Paasissutissat paasinerluutaasinnaasut, uukapaatitsissutaasinnaasut imaluunniit innarliisinnaannginnissai
- Namminerisamik imaluunniit allanut oqaatigineqaqqusaanngitsunik inuit ataasiakkaat paasissutissaannik imalinnik, sulisut pillugit suleqatilluunniit pillugit imaqassanngillat
- Piginneqqaartussaanermik innarliisunik pisinnaatitaaffinnilluunniit innarliisunik imaqassanngillat. Makkuusinnaapput: Piginneqqaartussaatitaanermik illersuinnginneq soorlu ilisarnaatinik, allannernik, assinilluunniit akuerineqarani atuineq.