Standardit – Qarasaasiatigut suliat paasissutissallu illersorneqarnissaat pillugu iliuusissat aaqqissuussaasut
Ullutsinni inuiaqatigiinni digitaliusumi suliffeqarfiit amerlanersaat qarasaasiatigut suliat paasissutissallu illersorneqarnissaat pillugit suliaqartareerput. Taamaattumillu suleriuutsit assigiinngitsut suliffeeqarfinnit ingerlanneqartarput. Suleriut akuerisaq tassaasarpoq standardinik atuineq. Standardinik atuisut sulianik ilisimasaqarluartunit nunarsuarmit tamaneersunit ineriartortinneqarsimasunit, tusindtilinnillu misilittarneqarsimasunillu aallaveqartarput.
Imarisaa
Qarasaasiatigut suliat paasissutissallu illersorneqarnissaannut standardit pillugit paasissutissat nalinginnaasut
Qarasaasiatigut suliat paasissutissallu illersorneqarnissamut tunngasut ineriartortinneqarlutillu suliarineqarsimapput sulianut ilisimanittunit aammalu misilittaasartunit nunarsuarmit tamaneersunit, tamakkualu misilittakkatik ilisimalersimasatillu pitsaanersiukkat katersortarpaat.
Pitsaassutsini stadardeqarnissaq qarasaasiatigut suliat paasissutissallu illersorneqarnissaannut assigiimmik paasinninnissamut anguniagaasarpoq, kiisalu sammisamut aaqqissuussaasumik suliaqarsinnaanermik sakkussamik tunniussisoqartarluni Suliffeqarfiit standardinik tunngaveqartartut misilittarluarneqarnikunik eqqarsaatigilluarneqarsimasunillu aallavissaqarluartarput. Taamaalillutik qarasaasiatigut paasissutissanillu illersuinissamut periusissanik eqqarsarnerminni suna tamaat naqqaniit aallartittariaqanngilaat.
Standardinik atuineq ilaatigut aallartissutigissallugu nangiarineqakkajupput, suliffeqarfiit isumaqartaramik standardinik atuinerminni uppernarsaaqqaartariaqarlutik. Tamannali kukkuneruvoq.Standardinik atuineq isumassarsiorfiinnartut atorneqarsinnaavoq, suliffeqarfiullu nammineq standardini sukkut atuiguni iluarnerunersoq aaliangersinnaavaa. Soorunalimi suliffeqarfiup akuersissutilinnik atuinissani kissaatigisinnaavaa, tamannali piumasaqaataanngilaq.
Standardit atorneqarnissaat nammineq aaliangigassaaviq, pisiniartartunilli sullissaqarnermi suleqatigiiffigisaqaraanniluunniit suliffeqarfinnik allanik, ilaatigut nalinginnaasut atorneqarnissaannik piumasaqaateqartoqarsinnaavoq imaluunniit akuersissutilinnik atuinissaq piumasaqaataasinnaalluni.
Standardinik atuinermi nali
Sooq nammineq piumassutsimik standardinik atuisoqassava? Suliffeqarfippassuit assigiinngitsunik tunngaveqarlutik standardinik atuisarput. Tamanilli standardinik toqqaasarnermik pissutaavoq, suliffeqarfiit qarasaasiatigut sillimaniarneq paasissutissallu illersorneqarnissaannik misilittarluarneqarsimasunik akuerisaasunillu atortoqarnissartik kissaatigisarmassuk. Tamakkua saniatigut suliffeqarfiit standardinik atortoqarusuttarnerat makkuninnga tunngaveqarsinnaasarput:
Suliffeqarfiit qarasaasiatigut sillimaniarneq paasissutissallu illersorneqarnissaannik atortussiat standardiusut taakkuusarput nunanit tamalaanit ataatsimut akuerisaallutik isumaqatigiissutigisimasaat
Standardinik atuinissaq niuerfinnit piumasaqaataasinnaavoq, soorlu suleqatigisamit sullitamilluunniit
Standardinik atuinermi suliniuteqarfiit suliffeqarfiit qarasaasiatigut sillimaniarneq paasissutissallu illersorneqarnissaannik aallartisaanissaminnut naqqaniit aallartinnginnissaannut ikiuutaasarput
Standardinik atuinerit suliffeqarfiit unammillersinnaassusaat nukittorsarsinnaasarpaa
Standardinik atuinerit sulinerup ingerlariusaanik uppernarsaatitut atorneqarsinnaasarput
Standardinik atuinerit inatsisinik malitsisutut qulakkeerinnissutaasinnaapput soorlu tunisassianut pilersuisunit assigisaannillu
Standardinik atuinerit suliffeqarfiup tatigineqarnissaanut iluaqutaasinnaapput
Standardinik atuinerit pitsaassusermik naqissusiinertut atorneqarsinnaapput