Atuartiguk

NIS2

NIS2 tassaavoq EU-mi inatsit IT-kkut sillimaniarnermik piumasaqaatilik. Kalaallit Nunaat maannamut suli NIS2-mut ilaatinneqanngilaq.

Imarisaa

NIS2 suliffeqarfippassuarnut inuiaqatigiit ingerlasinnaanerannut attuumassutilinnut atuuppoq. Taakkununngalu piumasaqaatit ilagivaat hackerinit saassunneqaratarsinnaanermut imminut illersorsinnanissaat IT-lu aqqutigalugu siorasaarutinut allanut illersorsinnaanissaq siunertarineqarpoq inuiaqatigiit qaraasiatigut saassunneqarnissamut qajannaallisarneqarnissaat, kiisalu isumaginnittoqarfiit pingaarutillit saassusisoqarneranut pitsaanerusumik akiuussinnaanissaat. 

NIS2 isumaginnittoqarfinnik pingaarutilinnik makkuninnga imaqarpoq: 

  • Nukissiuutit imeqarnerlu

  • Angallanneq

  • Peqqinnissaqarfiit

  • Aningaaseriviit

  • Digitalikkut attaveqaasersuinernik sanaartorfiit (ass. internet, cloud, datacenterit)

  • Oqartussat

  • Eqqagassat, inuussutissat, allakkat aamma poortukkat assigisaallu

  • Suliffeqarfiit arlallit ilaatinneqarput, siornatigut IT aqqutigalugu sillimanissamut piumasaqaateqarfigineqarnikuunngitsut aamma.

NIS2 qanoq piumasaqarpa?:

Suliffeqarfiit oqartussallu makkununnga isummertinneqarnissaat:

  1. Ajutoorfiusinnaasunik ilisimanninnik
    Systemit pingaarnerpaat ilisimaneqassapput, data aamma taakkununnga ulorianartorsiortitsisinnaasur, qanorlu suliarineqarnissaat.

  2. Datat systemillu paarilluarnissaat
    Nutarterisarnissat, kikkut isersinnaaneri, firewallit, backupit, alapernaarsuinerlu.

  3. Saassussisoqarnerani erngertumik qisuariarneq
    Ajutoortoqassagaluarpat sukkasuumik ilisimaneqartariaqarpoq, unitsinneqarluni aaqipallanneqarlunilu.

  4. Isumannaallisaanermut tunngasunik pisoqarnerani nalunaarutiginnittarneq
    Saassussisoqartillugu oqartussaasunut nalunaaquttap akunnialui qaangiunnerani nalunaaruteqapallattoqartassaaq.

  5. Akisussaaffiit pisussaaffiillu ersarissut
    Aqutsisut annerusumik akisussaaffeqalissapput. Inatsisit malinneqarnissaat qulakkeerneqartassaaq, akiliisitaanermillu kinguneqartinneqarsinnaalluni malinninnginnermi

  6. Atortussanik pilersuisut ilisimaneqassapput
    Suliffeqarfiit qulakkiissavaat atortussanik pilersuisutik pitsaasunik IT mut sillimaniarnermut malitaqartuusut eqqugaannginniassagamik.