Atuartiguk

Periutsip pingasut peqquserlunniat meeqqanut atortagaat nalunngittariaqakkatit

Periutsit pingasut peqquserlunniat meeqqanut atortagaat nalunngittariaqakkatit
Meeqqat spilertarput nittartakkakkullu kammattaartortarlutik. Ilai pisiniartarput. Tamakkualu digitalikkut peqquserlunniat atornerluttarpaat, meeqqat inersimasunit qulannginnerusarmata. Tamakkununnga ilisimasaqaruit meeqqatit ikiorlugit digitalimik atuineri isumannaallisarsinnaavatit.

Periutsit aalajangersimasut pingasut atortarpaat, digitalimik peqquserlunniat meeqqanut uukapaatitsillutik aningaasanit pinnannissaannik imaluunniit spaminik siaruarterisinnaapput. Angajoqqaatut tamakku ilisimagukkit meeqqatit tamakku pillugit oqaluutikkit, uukapaatinneqannginnissaat anguniarlugu.

Periutsit pingasut

Periutsit pingasut peqquserlunniat meeqqanut atortagaat:

  1. Eqqunngitsunik ilumuunngitsunillu nittartakkami privatinilu tuniniaaneq.

  2. Ilumuunngitsunik unammisitsineq nittartakkami.

  3. Ilumuunngitsut profiilit inuit attaveqatigiittarfianni.

Imarisaa

1.     Eqqunngitsunik ilumuunngitsunillu nittartakkani privatinilu tuniniaaneq.

Meeqqat neqeroorummik spilimilluunniit nutaamik takkuttoqarsimatillugu eqqarsarianngivillutik pisiarisinnaasarpaat. Misissunngivillugu tuniniaasoq tatiginartuunersoq imaluunniit atuisut naliliisimaneri ajunnginnersut, imaluunniit profiili tuniniaasoq ilumoortuunersoq qulakkeeqqaanngivillugu. Peqquserlunniat amerlasuut atugarisarpaat - privatimik tuniniaanermi imaluunniit soorlu Facebookip Marketplaceani imaluunniit nittartakkani niuerniartarfinni ilumuunngitsuni. Meeqqat uukapaatinneqarlutik aningaasanik nuussitinneqarsinnaapput pisiartillu ilumuunngitsuusoq tigunngisaannarlugu.

Angajoqqaatut tamanna pinaveersaartissinnaavat, pisineranni pisiassaat akueralugit imaluunniit oqaluttuullugit ilumuunngitsut profiilit, onlinekkullu niuertarfiit neqeroorutillu ilumuunnginneri qanoq paasisinnaanerlugit. Eqqaamaguk aamma kontovit nakkutiginissaa, arlaatigut eqqunngitsunik atuisoqarnersoq, meeqqat nammineerluni nittartakkakkut pisitissinnaagukku.

Sooruna pingaaruteqartoq?

Uggornaannanngilaq aningaasanik annaasaqarneq, isumaqarluni pisiaqarluni. Aamma misigalugu ajussaaq meeqqap nammineq aningaasaatimini peqquserlunnianit tilliffigitikkuni.

2.     Unammisitsinerit ilumuunngitsut nittartakkami

Periuseq alla peqquserluut, meeqqat inuusuttullu misigiffigisinnaasaat tassaavoq unammisitsinerit inuit attaveqartarfianni nittarsaanneqartut. Legelandimut biograferiarnissamut billetinik pinnatassat, Sunset Boulevardimulluunniit pisissutissat. “Allamik iliussanngilatit taamaallaat tuugassaq tooriarlugu nittartakkami immersugassaq immersorlugu, taava unammisitsinermut peqataassaatit”.

Unammisitsinerit ilumuunngitsut ilaatigut amerlanertigullu meeqqat nalunngisaat pisiniarfiit ilaartarpaat, digitalimik peqquserlunniat meeqqanut uukapaasiarinninniarlutik. Tamatigummi takusinnaaneq ajorpaat webadressep allaanerussutaa - soorlu biografernissamut billetinut unammisitsinermi.

Sooruna pingaaruteqartoq?

Unammisitsinerni ilumuunngitsuni inuusuttuunerusarput pakatsisut. Tassami pinnatassaqanngilluinnarmat unammisitsinermi. Peqquserlunniat unammisitsinerit ilumuunngitsut atortarpaat paasissutissat inummut tunngasut pissarsiariniarlugit, soorlu mailadresse imaluunniit oqarasuaatip normua. Unammisitsinermut linki tooraanni immaqa piumaffigineqartarput kortip kontollu paasissutissai allaqqullugit. Imaluunniit iluanaarluni ajugaasutut taaneqareersimalluni pinnatassap ikinissaanut bankimi konto allaqquneqartarluni.

Meeraqarpoq namminneq akiliutigalugu korteqartunik, immaqa isumassarsiatsialaavoq inersimasunut siunnersorneqarnissamik saaffiginnittarnissaat unammisitsinermut peqataannginnerminni. Oqaluttuuttakkit isissutit kontomulluunniit paasissutissat nassiutinngisaannassagaat, piumaffigineqaraluarunilluunniit.

Sooruna pingaaruteqartoq?

Puigoraanni tuniniaasup profiiliata misissornissaa, allaqatigiinnermilu akissaarpat, aningaasat nooreernerani. Taava aningaasaatitit annaavatit.

Allani, spilimi kontoni meeqqap inuusuttulluunniit uukapaatinneqarlutik pisitinneqarnerini, opreterisimagaanni akiliillunilu tillinneqarsimasumi kreditkortimi - taava meeraq inuusuttorluunniit ingerlaannaq peqquserlunniarnermi peqataassaaq, nalusaminik.

Taamaattumik angajoqqaatut illit meeqqatit oqaluuttariaqarpatit suut sillimaffigissaneraat, onlinekkut spilini pisiniaraangamik. Oqaloqatigiinneq taanna ammasuussaaq alapernaatsuullunilu meeqqallu spilernerani malinnaaffigalugu.

3.     Profiilit ilumuunngitsut inuit attaveqatigiittarfianni

Inuit attaveqatigiittarfianni assigiinngitsorpassuarnik arlalinnik ilumuunngitsunik profiileqarpoq. Peqquserlunniat nutaaliullaqqissorujuupput nutaanik ilumuunngitsunik profiilinik sanagaangamik, arlalitsigullu assit atorneqareersut assitaliullugit, meeqqavit illilluunniit kammageriikkavit assii atorlugit. Inersimasutut meeqqat unuusuttullu, sukkasuumik kammagiumaneqaraangamik akuersisarput. Profiilit ilumuunngitsut peqquserlunniat ajornannginnermik meeqqat uukapaasiarisinnaasarpaat.

Sooruna pingaaruteqartoq?

Peqquserlunniat ilumuunngitsut profiilit atorlugit meeqqanut uukapaasiarinnillutik isissutinik perusuttut, nalunaarutinik peqquserluutinik atuisarput. Peqquserlunniat profiilit ilumuunngitsut atorlugit ilumuunngitsunik neqeroorutinik unammisitsisunillu attaveqaatit anginerusut atorlugit nassiussuisarput, ilimanaataalu qaffattarpoq meeqqamik uukapaasiarinninnissaq, paasissutissanik inummut tunngasunik pinerussagamik.