Atuartiguk

Meeqqat digitalikkut peqquserluffigitissimava?

Misigissallugu nuannerpallaarnavianngilaq illit meeqqannullu, meerarisat digitalikkut peqquserluffigitissimappat. Aningaasanik annaasaqarsimagaluaraanniluunniit, paasissutissanik inummut tunngasunik tilliffigitissimasuit imaluunniit allanit inunnit tatiginassutsimik annaasaqaruit. Siunnersuutitsialaat aajuku, qanoq isiorsinnaaninnut tunngasut.

Siunnersuutitsialak

Siunnersuutitsialak meeqqannut oqaloqatiginninnissannut peqquserluffigitissimaneq pillugu:

  • Piffissaqarluarit, oqaloqatigiinnermilu sinaakkuteqarluarit

  • Ammagit nersuerpalaarlutillu

  • Oqaloqatigiinneq isumaqatiginninniarnertut pinaveersaartitsinissatullu atoruk.

  • Piffissaqarluarit, oqaloqatigiinnermilu sinaakkuteraluarit

Imarisaa

Piffissaqarluarit, oqaloqatigiinnermilu sinaakkuteqarluarit

Misigisat nuanniitsut nassuerutigissallugit eqqartussallugillu misigisimasatik peqquserluffigitinnerit, meeqqamut sapernarsinnaapput nassuerutiginissai. Oqaloqatigiinnerit eqqissisimasumik aammalu toqqissisimasumik ingerlassappata piffissaqarluarluni oqaloqatigiissutigigaanni pitsaanerpaasarput. Atuariartuliivinnerisa nalaani oqaloqatigiittoqassanngilaq. Immaqaluunniit peqquserluffigiteqqammernerata nalaani, tupaqqanermik meerarisat suanngallugu pissanngilat. Piffissaqarluarluni eqqissisimasumillu pigaanni meeraq ammanerussaaq oqaloqatiginissaanut.

Ammagit nersuerpalaarlutillu

Kanngusunneq, paatsiveerunneq sianiitsutullu misigineq, taakkuupput misifissutsit meeqqap inuusuttuaqqallu misigisartagai, peqquserluffigitissimagaanni. Taamaattumik aamma angajoqqaaminnut oqarnissartik ilaanni kanngugisarpaat, amerlanerillu qunugisarlugu angajoqqaatik kamatseqinagamikkit.

Pingaaruteqarpoq ammasuunissat nersuerpalaartuunissallu, alapernaallutillu pisuutitserpalaarnat misigisaanut apersuinissat, meeqqavit oqaluunnerani pisup kingorna. Imaassinnaavoq aningaasarpassuit meeqqavit peqquserluffigitinnermini annaagai, taamaammat ammasuugit meeqqallu paatsiveerusimaarnera naapigiarlugu.

Oqaloqatigifiinneq isumaqatiginninniarnertut pinaveersaartitsinissatullu atoruk

Pingaaruteqarpoq meeqqat oqaluttuutissallugu peqquserlunniarfigitissimappat. Taamaasillusi ataatsimut qanoq iliuuseqarfigisinnaassagassiuk politiillu attavigalugit. Sukkasuumik iliuuseqarnissaq pisariaqarpoq, assersuutigalugu kontop paasissutissai tillitsissimappata, aningaasat atorlugit pisisimagaanni tigusaqaranilu, imaluunniit assingisaanik arlaannik.

Aningaasat aqaguani kontonniit nuussimanngikkaluartut, meeqqavit illillu paasissutissaatitit peqquserlunnianit tuniniarneqarsinnaapput. Immaqa aatsaat ukiup affaa qaangiuppat sinnerluguluunniit pisisoqarsinnaavoq imaluunniit aningaasanik tigusisoqarsinnaavoq.

Oqaloqatigiinneq atorsinnaavat peqquserluffigitissimanermut tunngasumik, qanoq meeqqavit tulliani peqquserlunniat iliuusai paasisinnaaneraat,

Kanngunanngilaq peqquserlunnianit pisaritinneq

Meeqqat inuusuttullu amerlasuut misigisarput sianiilliorsimallutik, taamaasillutik kanngusussinnaallutik peqquserlunnianit pisaritissimagamik. Digitalimik peqquserlunniat meeqqanut inuusuttunullu uukapaasiarinnittarnerat annertuvoq. Peqquserlunniallu pissutsinut nutaalianut malinnaaginnavittuupput, meeqqanut malunnarpallaanngitsumik.