Ima iliortassaatit

Attuumassuteqanngitsoq innuttaasut inuup normuinik pissarsinissaminut periarfissinneqarsimavoq: Ima iliortassaatit

Danskit Ilisimatusarnermut, Ilinniartitaanermut Digitaliseeriinermullu ministereqarfiat ulloq 6. oktober 2026 ilisimatinneqarpoq, attuumassuteqanngitsoq Qitiusumik Inuit Nalunaarsorsimaffiat (CPR) aqqutigalugu atinik, najukkanik kiisalu inuup normuisa allattorsimaffiannik akuerisaanngitsumik pissarsinissaminut pissarsisimasoq. Oqartussat innuttaasullu peqquserluuteqarniaaluttunik maluginninniartariaqarput.

Qitiusumik Inuit Nalunaarsorsimaffiata (CPR) sillimaniarnikkut ilungersunartumik pisoqarsimasoq paasivaa. Qitiusumik Inuit Nalunaarforsimaffiani inuit allattorsimasut amerlasuut pillugit attuumassuteqanngitsoq atinik, najukkanik, inuup normuinik il.il. pissarsinissaminut periarfissinneqarsimavoq. Danskit Ilisimatusarnermut, Ilinniartitaanermut Digitaliseeriinermullu ministereqarfiat tusagassiorfinnut nalunaaruteqarneratigut tamanna paasissutissiissutigineqarpoq.

Inuit pillugit paasissutissat peqquserlunnermi atornerlunneqarsinnaapput aamma oqartussat innuttaasullu mianersuussinissaminnut kajumissaarneqarput.

Inuit pillugit paasissutissat peqquserluutiginaveersaarneqarnissaannut siunnersuutitsialaat:

Ilimaginngisamit attaveqarfigineqarnissat immikkut ittumik eqqumaffigisaruk
SMS-it, sianernerit mailillu piffissami tulliuttumi immikkut ittumik maluginiartassavatit, pingaartumik nassiussisup illit pillutit paasissutissat atorsimassappagit.
Linkit ilimaginngisat toortarnagit
SMS-ikkut mailikkulluunniit linkinik naatsorsuutiginngisannik nassitsissimaguit, linkit toornagit paasiniaaqqaartassaatit ilumut paasissutissat eqqortuunersut, ima iliorlutit: pisortatigoortumik nittartagaq aqqutigalugu imaluunniit nassiussisup pingaarnertut oqarasuaataanut sianerlutit.
Paasissutissanik avitseqatiginninnak
MitID-p paasissutissartai, isissutissat ataasiarluni atugassiat, isissutissat kortilluunniit paasissutissartai arlaannut allanut tunniussuutinnginnissaat eqqaamajuaannaruk.
borger.dk-mi akiligassarsisinnaaneq pillugu mianersoqqussummik pilersitsigit (kreditoradvarsel)
Qitiusumik Inuit Nalunaarsorsimaffiani (CPR-imi) akiligassarsisinnaaneq pillugu mianersoqqussutip illit atitit atorlugit aningaasanik taarsigassarsisinnaaneq imaluunniit akiligassarsisinnaaneq/aningaaserivinnik atorniarneq ajornarnerulersissavai.

sikkerdigital.dk-mi takusinnaavat, alloriarnerit ataasiakkaarlugit qanoriliorsinnaanerlutit ilitsersuutit aamma aalasuliami ataaniittumi una siden her toorlugu takusinnaavatit.

Imarisaa

Nalornissuteqarpit?

Aningaasanik taarsigassarsisinnaanerup mianersoqqussutip qanoq pilersinneqarnissaanut ikiortariaqaruit, Styrelsen for Samfundssikkerheds Cyberhotline for digital sikkerhed oqarasuaatip normua +45 33 37 00 37 aqqutigalugu saaffiginnissinnaavutit. Pinasuartumik sianerfissap ammasarfii ulluni aggersuni sivitsorneqassapput Danmark-imi nal. 8-mit 24-mut.