Isissutissanik eqqoriaruminaatsunik atuigit marloqiusamillu isertaateqarneq atoruk

Isissutissanik eqqoriaruminaatsunik atuigit marloqiusamillu isertaateqarneq atoruk

Isissutissat IT aqqutigalugu pinerlunniartartunit piumaneqarnerpaasarput, taamalillutik suliffeqarfiit systeminut aqutsiviinut isersinnaasaramik. Taamaattumillu pingaaruteqarput sulisut tamarmik eqqoriaruminaatsunik isissutissaqarnissaat.
IT-kkut systeminut suliffeqarfiit pinngitsoorsinnaangisaat isissutilersorneqartariaqarput. IT aqqutigalugu pinerlunniartartut assigiinngitsunik sakkulerlutik sulisut isissutissaat pissarsiariniartarpaat. Sulisup isissutigisartagai pissarsiarineqaraangamik, suliffeqarfiup systemii paasissutissaataasiviilu (data) iserfigineqarsinnalersarput, tamannalu suliffeqarfinnut kinguneqapilussinnaapput. Isissutinut siunnersuutitsialaat pingasut uani atuakkit.

1. Isissutissaq minnerpaamik 15-inik naqinneqassaaq
   Isissutissap takissusaa pinerlunnianut (hackere) eqqoriaruminaatsuunissaa pingaaruteqartorujussuuvoq. Innersuussutigineqartarpoq isissutissaq naqinnernik mikisunik angisuunillu ilaqartinneqassasoq, kisitsisinik ilisarnaatinillu akoqarluni, minnerpaamillu 15-inik naqinneqassalluni.

2. Isissutissaq allanit assigineqassanngilaq arlaleriarlunilu atorneqassanani
   Amerlasuut isissutitik sullissivinnut assigiinngitsunut atoqattaartarpaat, suliffimminni angerlarsimaffimminnilu. Isissutissanik assigiiaartitsineq qarasaasiatigut pinerlunnianut (hackere) systeminut arlalinnut isersinnaalersitsisarpoq, isertaat arlaatigut annaaneqartoorsimatillugu. Taamaattumik isertaatit immikkuullarissuusariaqarpoq. 

3. Marloqiusanik isertaateqarneq atoruk (to-faktor login)
   Marloqiusamik isertaateqarninni digitalimik angalaarnerit isumannaanerulersittarpaa. Qarasaasiannut isissutissat allariarlugu, smartphonennik iserniarnerit akuerigaangakku immaqaluunniit sms-ikkut nassiunneqartoq kode atorneragut.