Atuartiguk

Virus aamma malware

Malware tassaavoq softwarenik taagut ataatsimoorussaq, suliffeqarfiup programmiinik dataniillu ajoqusiisartoq. Sivikitsuarannguup iluani ajoquseerujussuarsinnaavoq, assersuutigalugu datatisi tammartillugit paasissutissaatisilu tillillugit.

Imarisaa

Malwaret ilaat nalinginnaasorujussuupput, suliffeqarfiillu kalaallit nunaanniittut amerlanersaat eqqorsinnaallugit. Soorlu virusimik imaluunniit ransomwaremik, emailiusaq aqqutigalugu ( phisingmail) tigusisussanut amerlasunut ataatsikkut nassiussisinnaalluni.

Suliffeqarfiit paasissutissanik nalituunik pigisaqaruni, IT-kkut pinerlunnianit tillinniarfigineqassalluni piumaneqartorujussuusinnaavoq.

Suliffeqarfippit eqqugaannginnissaa qanoq iliussaviuk?

Malware sivikitsuaaqap iluani ajoquseerujussuarsinnaavoq. Taamaattumik siunnersuutit ukua malinneratigut tamanna pinngitsoortinneqarsinnaavoq.:

  • Sillimanissamut tunngasunik ataatsimoorussamik pisigit. Suliffeqarfiup qarasaasiaai server-iilu tamarmik virusimut illersuutinik ikkussuiffigineqarsimassapput.

  • Atortorissaarutit sorliit virusimut illersuuteqartinnissaat eqqarsaatersuutigiuk. Qarasaasiat kikkunnit tamanit atorneqarsinnaasut  imaluunniit sulisunit arlariinnit atorneqartartut (assersuutigalugu iluarsaasarfinni pisiniarfinnilu qarasaasiat). Smarphonet aamma virusinut illersuuteqartiguk.

  • Programmit aqutsissutillu (styresystemer) nutartertuartakkit.

  • Suliffeqarfiup paasissutissaatai backup-eqartikkit. Virusimik saassunneqarnermi paasissutissat pingaarutillit aserorterneqakkajupput. Backup-iliornissaq akulikitsiguk, taamaalillutillu suliffeqarfiit saassunneqassagaluarpat ajutoortussat anikillisimaartikkit. 

  • Sulisut digital pillugu pikkorissartissigit. Pingaaruteqarpoq sulisut malwarenut virusinullu illersornissamut ilisimasaqarnissaat. Sulisut ilisimasakinnerat, nittartakkanilu kukkuluttortoqartarnera virusitalinnut isertoornerimi saassussisoqarajunneruvoq.