Sikkerhedskopeeriisarit

Ekstern harddiski atoruk, qarasaasiavillu imai kopeerlugit

Ekstern harddiski atorlugu kopeerisinnaavutit qarasaasiamiittullu paaralugit. Oqarasuaatini tabletinilu pitsaanerpaavoq atugassaq cloud-løsningi.

Ekstern harddiskimik imaqarluarsinnaasumik pisigit. Allagaatitit imakittuaraapput, kisiannili nipilersugaatitit, assiutitit filmiliatillu annertuumik imaqarnerupput. Dataatitit kopeerusutatit kopiikkit, ekstern hardiskimut.

Sikkerhedskopeerigit “putsunut” (cloud), internetilu atorlugu dataatitit iserfigisinnaanngorlugu

“Putsut” (aamma taaneqartartoq clouden) internetikkut sulissussisuuvoq, illit dataatinnik kopeerillunilu paarsisoq. Sikkerhedskopeerigaangavit putsunut, interneti aqqutigalugu dataatitit iserfigisinnaanngortarpatit.

Firmat assigiinngitsorpassuit amerlapput taamannak sullissisoorusuttut. Soorlu aamma killilimmik cloud-imik sullississuteqartarput oqarasuaammik tabletimilluunniit pisigaangavit. Namminerli annertusisissinnaavat qaammammut aalajangersimasumik akiliuteqartarnikkut.

Internetikkut periarfissanik assigiinngitsunik ujarlersinnaavutit. Soorlu aamma “sikkerhedskopi pc” imaluunniit “sikkerhedskopi iPhone”-mik allallutit ujarlersinnaasutit, apeqqutaalluni enhedi suna sikkerhedskopeerniarnerit. Sullissisinnaasut assigiinngitsut atuakkit, nassaaralugulu illit pisariaqartitannut tulluuttoq.

Sikkerhedskopeerisarit akulikittumik, imaluunniit nammineerluni kopeeriisartoq aaqqiguk

Ullut tamaasa datanik assinik, attavinnik, allakkanik assingisaanillu nutaanik piuarpugut, digitalikkut atortorissaarutitigut. Taamaattumik eqqaamasassavat akulikittumik sikkerhedskopeerisarnissat enhederni assigiinngitsuni, assiutivit allagaativilluunniit tammannginnerani.

Amerlanerni cloudini sullissisuni, sullississut aaqqissinnaavat nammineerluni kopeerisarnissaanik datanik kopeertikkusutannik, akulikittumik imaluunniit sapaatit-akunnerini piffissani aalajangersimasuni. Taamaasillutit nammineq eqqaamasariaqassanngilat. Ekstern harddiskinili pisariaqarpoq harddiskip qarasaasiamut ikkusimanissaa piffissani aalajangersimasuni pilersaarutaareersuni.

Sooruna pingaaruteqartoq sikkerhedskopeerisarnissaq?

Ugguarnerinnaanngilaq kisiannili aamma akisuvoq qarasaasiap imaluunniit oqarasuaatip annaanissaa. Sikkerhedskopeerinnissimanngikkuit dataatitit tamaasa annaasinnaavatit: Kammalaativit tamarmik attaveqaataannut paasissutissat, assiutitit aammalu allakkat pingaarutillit. Ilimanarluarsinnaavoq pikkorissorsuit annaassinnaassagaat paasissutissat ilai, soorlu qarasaasiaq oqarasuaalluunniit imermik kuisimappat, kisiannili akisoorujussuussaaq.

Programitit nutartertakkit

“Ny opdatering” aamma? Tamatigut aap toorneq ajorparput paasitinneqaraangatta. Kisianni nutarterinerit amigaraangata programmitit datanik paarsineri ilaanni iluatsinngitsoortarput. Siunnersuutit malikkukkit isumannaallisaanerit enhedinni nukittorsassavat.

Naak enheditit isissummik nakuusumik illersoraluarlugit, nutarterinitit styresysteminik, apps-inik programminillu isumannaallisaanermut ajoqutaalersinnaapput, digitalikkullu peqquserlunniat periarfissaq atorluarlugu enhedernut isersinnaalersinnaallutik.
Programit qarasaasianniittut, oqarasuaatinniittut tabletinniittulluunniit tamatigut nutartertarukkit isumannaallisaalluassaatit, peqquserlunnianullu ajornartitsininngorlutit.

Siunnersuutit programinik nutarterinermut aamma dataativit isumannaatsuunissaanut:

• Nutarterinerit ikkutikkit, nutarterisinnaanngorsimatillutit.

• Oqarasuaatit, tabletit, apps-it qarasaasiallu nammineerluni nutartertartuutiguk.

• Eqqaamassutissamik ilinnut pilersitsigit browserip nutartertarnissaanut (soorlu Safari, Internet Explorer, Google Chrome aamma Firefox). 

Oqarasuaatit, tabletit, apps-it qarasaasiallu nammineerluni nutartertartuutiguk.

Pitsaanerpaavoq qulakkiissallugu programmit allallu ingerlaannartumik nutartertarnissai, oqarasuaatinni tabletimi qarasaasiamilu downloaderinermi nutaanillu nammineerluni installeriinermi. Taava eqqarsaatigisariaqanngilat.

Pilersitsisut amerlasuut ajoqersuussumik suliaqarnikuupput, qanoq isillutit toqqarsinnaanerlugu nammineerluni installeriisinnaasumik nutartigassani. Nammineerlutit nassaarisinnaavatit tamakku soorlu Appleni aamma Microsoft-produktini, taakkua nittartagaanni.

Browserit nutartigassanngorpat eqqaamassutissamik pilersitsigit

Programmit tamarmik aaqqinneqarsinnaanngillat nammineertillugit nutarterisinnaanngortinnissaannik. Tassani atuuppoq assigiinngitsuni nittartakkani browserini. Taamaattumik nammineerlutit eqqaamasariaqarpat.

Browserit atorneqarnerit soorlu Google Chrome Safarilu, aqqutissiuussissummik suliaqarnikuupput, qanoq nammineerlutit illit misissorsinnaanerlugu nutaanik installeringassaqarnersoq browserini atornerusanni. Taakkua nittartagaanni nanisinnaavatit.

Ilinnut pitsaaneq ajornannginnerlu atorsinnaavatit, nammineerlutit nutartigassaqarnersoq misissorsinnaavat imaluunniit ullorsiutini qaammammut saqqummertartussanngorlugu eqqaasitsissusiorsinnaavutit.

Sooruna pingaaruteqartoq programmit nutartertarnissai.

Nutarterinerit amigartut taakkuusarput qarasaasiani oqarasuaatinilu viruseqalertartut. Virusip nammineq pigisagut datat aserorsinnaasarpai imaluunniit allanut iserfigitissinnaanngortissinnaasarpai: paasissutissat inummut tunngasut, allakkat pingaarutillit, assit, sianerfigisinnaasat attavissat allallu.

Peqquserlunniat virusinillu ineriartortitsisartut nassaassarsiortuarput isumannaallisaaneq avaqqunniarlugu. Qaammat kingulleq isumannaatsoq, ullumikkut isumannartunngorsinnaavoq. Qujanartumilli tunisassiortut ataavartumik isumannaallisaanermut nutarterisaramik. Ikiuutaasinnaavorli aatsaat tamatigut installerertarukkit.