Pinngitsaaliilluni onlinekkut akiliisitsiniaaneq
Ransomware virusiuvoq filiutinnik paasiuminaallisitsisartoq, illit iserfigisinnaanngisat. Ransomwaremik eqqugaasinnaavutit virusi ajoqutaasinnaasoq installerertoorukku paasiuminaallisaammik qarasaasiannut immiisumik. It-mi pinerliiniat aningaasannanniartarput pinngitsaaliillutik. Qujanartumilli tassunga isumannaallisarnissaq ajornanngitsunnguuvoq.
Imarisaa
Pinngitsaaliilluni onlinekkut akiliisitsiniartinnissat ima pinaveersaartissinnaavat
Qujanartumik onlinekkut atornerluineq pinngitsoortinniarlugu siunnersuutit pitsaanerit amerlanerupput.
Softwaret akulikitsumik nutarteruk.
Antivirusprogrami installereruk.
Ataavartumik paasissutissaatitit annaarusunngisatit backupeqartikkit ekstern hardiskimut, USB-mut imaluunniit qilammut. Eqqaamajuk onlinekkut backupeqarneq aamma ransomwaremik eqqugaasinnaammat.
Filit ammarnaveersaakkit installerernaveersaarlugillu nassiussisoq ilisimanngikkukku kinaanersoq. Immikkut sianigikkit filit kakkiussamiittut. Pinerlunniat zip-, rar- imaluuniit src-fiilit atukulaneruaat.
Nassiussisartut ilumoortut (soorlu Tusass, banki, Netflixi il.i.) toqqaannartumik linkimik nassinnavianngilaatsit imaluunniit kajumissaammik ilumoortumik paasissutissanik ilinnut tunngasunik nassiussequsissummik.
Museq linkip nalaanut pisiguk tuunnginnerani. Taava takussavat sumut tikkuaqqanersoq. Nassiussisoq assiginngippagu taava linkeq tunillanneqarsimassaaq.